ഡല്ഹി: കോണ്ഗ്രസ് വിട്ട പഞ്ചാബ് മുന് പിസിസി അധ്യക്ഷന് സുനില് ജാക്കര് ബിജെപിയില് ചേര്ന്നു. വിഭജന രാഷ്ട്രീയത്തെ ചോദ്യം ചെയ്തതിനാലാണ് അനഭിമതനായതെന്നും നിശബ്ദനാക്കാനാവില്ലെന്നും ബിജെപി ആസ്ഥാനത്ത് നടത്തിയ വാര്ത്ത സമ്മേളനത്തില് സുനില് ജാക്കര് പറഞ്ഞു.
ഡല്ഹിയിലിരുന്ന് കോണ്ഗ്രസ് നേതാക്കള് പാര്ട്ടിയെ തകര്ക്കുന്നുവെന്ന രൂക്ഷ വിമര്ശനമുയര്ത്തിയാണ് സുനില് ജാക്കര് പാര്ട്ടിവിട്ടത്. ബിജെപി ദേശീയ ആസ്ഥാനത്തെത്തിയാണ് ജാക്കര് അംഗത്വമെടുത്തത്. ദേശീയത, ഐക്യം തുടങ്ങിയ വിഷയങ്ങളിലെ നിലപാടിന്റെ പേരില് അന്പത് വര്ഷമായി കോണ്ഗ്രസുമായുള്ള ബന്ധം അവസാനിപ്പിക്കുന്നുവെന്ന് ബിജെപി ദേശീയ അധ്യക്ഷന് ജെ പി നദ്ദയുടെ സാന്നിധ്യത്തില് ജാക്കര് പറഞ്ഞു.
Discussion about this post