വാഷിംഗ്ടണ്: ടെസ്ല സിഇഒയും ട്വിറ്ററിന്റെ പുതിയ ഉടമസ്ഥനുമായ ഇലോണ് മസ്ക് പാതി ചൈനക്കാരനാണെന്നാണ് താന് വിശ്വസിക്കുന്നതെന്ന് അമേരിക്കന് റാപ്പര് കാനിയെ വെസ്റ്റ്. രണ്ടാമതും തന്റെ ട്വിറ്റര് അക്കൗണ്ട് കമ്പനി മരവിപ്പിച്ചതിന് പിന്നാലെയായിരുന്നു മസ്കിനെതിരായ വെസ്റ്റിന്റെ ‘ജനിറ്റിക് ഹൈബ്രിഡ’ പ്രസ്താവന. എന്നാല് താന് അതൊരു അംഗീകാരമായാണ് കാണുന്നതെന്ന് മസ്ക് പ്രതികരിച്ചു.
ഇലോണ് മസ്ക് ട്വിറ്റര് ഏറ്റെടുത്തതിന് പിന്നാലെ രണ്ട് മാസങ്ങള്ക്ക് മുമ്പ് വെസ്റ്റിന്റെ അക്കൗണ്ട് ട്വിറ്റര് മരവിപ്പിച്ചിരുന്നു. സെമിറ്റിക് വിരുദ്ധ പരാമര്ശങ്ങളുടെ പേരിലായിരുന്നു അത്. പിന്നീട് വീണ്ടും അക്കൗണ്ട് വീണ്ടെടുത്തെങ്കിലും ട്വിറ്റര് നിയമങ്ങള് ലംഘിച്ചതിന്റെ പേരില് കഴിഞ്ഞ വെള്ളിയാഴ്ച വീണ്ടും കമ്പനി വെസ്റ്റിന്റെ അക്കൗണ്ട് മരവിപ്പിക്കുകയായിരുന്നു. നാസികള് ഉപയോഗിക്കുന്ന സ്വസ്തിക ചിഹ്നം പോസ്്റ്റ് ചെയ്തതിന് പിന്നാലെയാണ് ട്വിറ്ററിന്റെ നടപടിയെന്ന് വിദേശമാധ്യമങ്ങള് റിപ്പോര്ട്ട് ചെയ്തു.
ഇതില് രോഷം കൊണ്ടാണ് വെസ്റ്റ് മസ്കിനെതിരെ വിവാദ പ്രസ്താവന നടത്തിയത്. ഇലോണ് മസ്ക് പാതി ചൈനക്കാരനായിരിക്കുമെന്ന് ചിന്തിക്കുന്നത് താന് മാത്രമാണോ എന്നും കുട്ടിയായിരിക്കുമ്പോഴുള്ള മസ്കിന്റെ ചിത്രം കണ്ടിട്ടുണ്ടോ എന്നും വെസ്റ്റ് തന്റെ ഇന്സ്റ്റഗ്രാം അക്കൗണ്ടിലൂടെ ചോദിച്ചു. സൗത്ത് ആഫ്രിക്കന് സൂപ്പര് മോഡലില് ചൈനക്കാരനായ ഒരു പ്രതിഭയ്ക്ക് ജനിച്ച കുട്ടി ആയിരിക്കും മസ്കെന്നും വെസ്റ്റ് ആരോപിച്ചു.
അതേസമയം വെസ്റ്റിന്റെ അക്കൗണ്ട് വീണ്ടും ആക്ടിവേറ്റ് ചെയ്യണമെന്ന മറ്റൊരു ഉപയോക്താവിനോട് താന് തന്നാലാവുന്നത് ചെയ്തുവെന്നും തങ്ങളുടെ നിയമം അദ്ദേഹം വീണ്ടും ലംഘിച്ചതിനാല് അക്കൗണ്ട് സസ്പെന്ഡ് ചെയ്യുമെന്നും മസ്ക് പ്രതികരിച്ചു.
Discussion about this post