ഗാസിയാബാദ്: പിഎച്ച്ഡി വിദ്യാര്ത്ഥിയായ യുവാവിനെ കൊന്ന് കഷണങ്ങളാക്കിയ വീട്ടുടമ അറസ്റ്റില്. യുപിയിലെ ഗാസിയാബാദ് ജില്ലയിലെ മോദി നഗറില് വാടകയ്ക്ക് താമസിക്കുന്ന യുവാവിനെയാണ് വീട്ടുടമ നിഷ്ഠൂരമായി കൊലപ്പെടുത്തിയത്. ശരീര ഭാഗങ്ങള് നാല് കഷണങ്ങളാക്കി മൂന്നിടത്തായി ഉപേക്ഷിക്കുകയായിരുന്നു.
ലക്നൗ സര്വകലാശാലയില് പിഎച്ച്ഡി ചെയ്തിരുന്ന അങ്കിത് ഖോകര് എന്ന യുവാവാണ് കൊല ചെയ്യപ്പെട്ടത്. അച്ഛനമ്മമാരുടെ മരണശേഷം ഏതാനും വര്ഷങ്ങളായി ഒറ്റയ്ക്ക് താമസിച്ചിരുന്ന യുവാവ്, ഉമേഷ് ശര്മയുടെ വീട്ടിലായിരുന്നു താമസം. അടുത്ത കാലത്ത് അങ്കിത് തന്റെ സ്വത്തുക്കള് ഒരു കോടിയോളം രൂപയ്ക്ക് വിറ്റിരുന്നു. ഇതില് നിന്നും ഉമേഷ് 40 ലക്ഷം രൂപ ബിസിനസ് തുടങ്ങുന്നതിനായി കടം വാങ്ങി. അത് തിരിച്ചടയ്ക്കാന് കഴിയാതെ വന്നപ്പോള് യുവാവിനെ കൊല്ലാന് തീരുമാനിക്കുകയായിരുന്നു.
അങ്കിതിനെ കൊലപ്പെടുത്തിയ ശേഷം അയാളുടെ എടിഎം കാര്ഡ് കൈക്കലാക്കി 20 ലക്ഷത്തോളം രൂപ ഉമേഷ് കൈക്കലാക്കി. ബാക്കി തുക അടുത്ത സംസ്ഥാനത്ത് എത്തി പിന്വലിക്കുന്നതിനായി മറ്റൊരു സുഹൃത്തിനെ ചുമതലപ്പെടുത്തിയിരുന്നു. ഇയാളും പോലീസ് പിടിയിലായിട്ടുണ്ട്. ഒരു മാസത്തോളമായി യുവാവിനെ കാണാതായപ്പോള് സുഹൃത്തുക്കള് പോലീസില് വിവരമറിച്ചതോടെയാണ് കൊലപാതകത്തിന്റെ ചുരുളഴിഞ്ഞത്.
Discussion about this post