വാഷിംഗ്ടൺ: അമേരിക്കയിൽ സ്കൂളിൽ വീണ്ടും വെടിവെപ്പ്. അദ്ധ്യാപികയ്ക്ക് ഗുരുതരമായി പരിക്കേറ്റു. കിഴക്കൻ യുഎസ് സംസ്ഥാനമായ വിർജീനയിലെ റിച്ച്നെക്ക് എലിമെന്ററി സ്കൂളിലാണ് സംഭവം.
ആറു വയസുമാത്രം ഉള്ള ആൺകുട്ടിയാണ് ക്ലാസ്മുറിയിൽ വച്ച് വെടിയുതിർത്തത്. അദ്ധ്യാപികയ്ക്ക് നേരെയാണ് വെടിയുതിർത്തത്. വെടിയേറ്റത് അപകടമല്ലെന്നും മുൻകൂട്ടി ആസൂത്രണം ചെയ്താണ് ആറുവയസുകാരൻ സ്കൂളിലെത്തിയതെന്നും പോലീസ് വ്യക്തമാക്കി.
കുട്ടിയെ പോലീസ് കസ്റ്റഡിയിലെടുത്തു. അതേസമയം വെടിയേറ്റ 30 വയസുകാരിയായ അദ്ധ്യാപികയുടെ നിലഗുരുതരമായി തുടരുകയാണ്.
താൻ ഞെട്ടലിലും നിരാശയിലുമാണെന്ന് നഗരത്തിലെ സ്കൂളുകളുടെ സൂപ്രണ്ട് ജോർജ് പാർക്കർ പറഞ്ഞു.യുവാക്കൾക്ക് തോക്കുകൾ ലഭ്യമല്ലെന്ന് ഉറപ്പാക്കാൻ ഞങ്ങൾക്ക് സമൂഹത്തിന്റെ പിന്തുണ ആവശ്യമാണെന്ന് അദ്ദേഹം കൂട്ടിച്ചേർത്തു. ഗൺ വയലൻസ് ആർക്കൈവ് ഡാറ്റാബേസ് പ്രകാരം കഴിഞ്ഞ വർഷം അമേരിക്കയിൽ തോക്കുമായി ബന്ധപ്പെട്ട് 44,000 മരണങ്ങൾ ഉണ്ടായിട്ടുണ്ട്,
Discussion about this post