ചണ്ഡീഗഡ്: പൊതുജനം കാണുന്ന രാഹുൽ ഗാന്ധിയെ കൊലപ്പെടുത്തിയെന്ന് കോൺഗ്രസ് നേതാവ് രാഹുൽ ഗാന്ധി. ഭാരത് ജോഡോ യാത്രയ്ക്കിടെ ഹരിയാനയിൽ മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം. നിങ്ങൾ ഇപ്പോൾ കാണുന്നത് യഥാർത്ഥ രാഹുൽ ഗാന്ധിയല്ലെന്നും അദ്ദേഹം പറഞ്ഞു. ഭാരത് ജോഡോ യാത്ര പ്രതിച്ഛായയിൽ മാറ്റമുണ്ടാക്കിയോയെന്ന ചോദ്യത്തോട് പ്രതികരിക്കുകയായിരുന്നു രാഹുൽ ഗാന്ധി.
‘ നിങ്ങളുടെ ചിന്തകളിലെ രാഹുൽ ഗാന്ധിയെ ഞാൻ കൊന്നുകളഞ്ഞു. ഇനി രാഹുൽ ഗാന്ധിയില്ല. അങ്ങനെയൊരു വ്യക്തി എന്റെ മനസ്സിൽ ഇല്ല. അയാൾ പോയി. നിങ്ങൾ ഇപ്പോൾ കാണുന്നത് രാഹുൽ ഗാന്ധിയെ അല്ല. നിങ്ങൾക്കത് മനസ്സിലാകില്ല. അതിന് ഹിന്ദു ധർമ്മത്തെക്കുറിച്ച് വായിക്കണം. ശിവജിയെക്കുറിച്ച് കുറച്ചെങ്കിലും അറിവ് വേണം’.
‘ ആരും ആശയക്കുഴപ്പത്തിലാകേണ്ട. രാഹുൽ ഗാന്ധി നിങ്ങളുടെ തലയ്ക്കുള്ളിൽ മാത്രമാണുള്ളത്. എന്റെ തലയ്ക്കുള്ളിലില്ല. ബിജെപിയുടെ തലയ്ക്കുള്ളിൽ രാഹുൽ ഗാന്ധിയുണ്ട്. എന്നാൽ എന്റ മനസ്സിൽ ഇല്ല. എന്തിനാണ് ഇങ്ങനെ ആശയക്കുഴപ്പത്തിലാകുന്നത് ?. പ്രതിച്ഛായയെക്കുറിച്ച് ഞാൻ ആശങ്കപ്പെടുന്നില്ല. പ്രതിച്ഛായ വർദ്ധിപ്പിക്കാൻ താത്പര്യപ്പെടുന്നില്ല. നിങ്ങളുടെ പ്രതിച്ഛായ കാത്തുസൂക്ഷിക്കൂ. ഞാൻ എന്നെക്കുറിച്ചല്ല, നിങ്ങളെക്കുറിച്ചാണ് ആശങ്കപ്പെടുന്നത്’ – രാഹുൽ ഗാന്ധി പറഞ്ഞു.
അതേസമയം വലിയ സംഭവമാണെന്ന് കാണിക്കാനായി പറഞ്ഞ വാക്കുകൾ ഇപ്പോൾ രാഹുൽ ഗാന്ധിയ്ക്ക് തന്നെ വിനയായിരിക്കുകയാണ്. നിരവധി പേരാണ് അദ്ദേഹത്തെ പരിഹസിച്ച് രംഗത്ത് എത്തിയിരിക്കുന്നത്. പിച്ചും പേയും പറയാതെ എഴുന്നേറ്റ് പോകണമെന്നാണ് സോഷ്യൽ മീഡിയ പറയുന്നത്. താത്പര്യമില്ലാത്ത തൊഴിലിന് കുട്ടികളെ നിർബന്ധിച്ചാൽ ഇങ്ങനെയിരിക്കുമെന്നും പരിഹാസമുണ്ട്.
Discussion about this post