ന്യൂഡൽഹി: വിദേശമണ്ണിൽ ഇന്ത്യയുടെ ബ്രാൻഡ് അംബാസിഡർമാരാണ് പ്രവാസികളെന്ന് പ്രധാനമന്ത്രി നരേന്ദ്രമോദി. പ്രവാസി ഭാരതീയ ദിവസ് കൺവെൻഷന്റെ 17ാമത് എഡിഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മധ്യപ്രദേശിലെ ഇൻഡോറിലാണ് കൺവെൻഷൻ നടക്കുന്നത്. ലോകം ഇന്ത്യയെ പ്രതീക്ഷയോടെയാണ് നോക്കുന്നത്. ആഗോളതലത്തിൽ ഇന്ത്യയുടെ ശബ്ദം ഉയർന്ന് വരികയാണ്. ഈ വർഷത്തെ ജി20യുടെ ആതിഥേയർ ഇന്ത്യയാണ്. നയതന്ത്ര പരിപാടി എന്നതിനപ്പുറം ജനങ്ങളുടെ പങ്കാളിത്തമുള്ള ചടങ്ങായിരിക്കും അത്.
പ്രവാസത്തിലുള്ള ഭാരതീയർക്ക് വ്യത്യസ്തമായ പങ്കാണ് വഹിക്കാനുള്ളത്. യോഗ, ആയുർവേദ, കുടിൽ വ്യവസായം, കരകൗശല വസ്തുക്കൾ, ചോളം എന്നിവയുടെ ബ്രാൻഡ് അംബാസിഡർമാരാണ് പ്രവാസികളെന്നും അദ്ദേഹം പറഞ്ഞു. പ്രധാനമന്ത്രിയായതിന് ശേഷം പ്രവാസികളുമായുള്ള തന്റെ ബന്ധം കൂടുതൽ വലുതായെന്നും അദ്ദേഹം കൂട്ടിച്ചേർത്തു. എന്നാൽ പ്രധാനമന്ത്രിയാകുന്നതിന് വളരെ വർഷങ്ങൾക്ക് മുൻപ് തന്നെ അദ്ദേഹം ലോകമെമ്പാടും സഞ്ചരിക്കുകയും അവിടെയുള്ള ഇന്ത്യക്കാരുമായി മികച്ച സൗഹൃദം ഉണ്ടാക്കാനും ശ്രദ്ധിച്ചിരുന്നു. പ്രവാസി ഭാരതീയ ദിവസ് കൺവെൻഷൻ ഉദ്ഘാടനം ചെയ്തതിന് പിന്നാലെ അദ്ദേഹത്തിന്റെ ചില പഴയകാല ചിത്രങ്ങളാണ് സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നത്.
PM Modi's relationship with the diaspora is decades old. As a young karyakarta, he traveled all over the world, establishing personal relationships with Indians across the world.
On #PravasiBharatiyaDivas, we explore PM @narendramodi's bond with the Indian diaspora pic.twitter.com/SNtRLWiVsT
— Modi Archive (@modiarchive) January 9, 2023
മോദി ആർക്കൈവ്‌സ് എന്ന ട്വിറ്റർ അക്കൗണ്ടിലാണ് പ്രവാസികൾക്കൊപ്പമുള്ള പ്രധാനമന്ത്രിയുടെ പഴയ ചിത്രങ്ങൾ പ്രചരിക്കുന്നത്.” പ്രവാസികളുമായുള്ള പ്രധാനമന്ത്രി മോദിയുടെ ബന്ധത്തിന് വർഷങ്ങളുടെ പഴക്കമുണ്ട്. യുവ കാര്യകർത്ത എന്ന നിലയിൽ അദ്ദേഹം ലോകമെമ്പാടും സഞ്ചരിക്കുകയും, അവിടങ്ങളിലെ ഇന്ത്യക്കാരുമായി മികച്ച ബന്ധം സ്ഥാപിക്കുകയും ചെയ്തിരുന്നുവെന്നാണ്” ചിത്രങ്ങൾക്കൊപ്പം കുറിച്ചിരിക്കുന്നത്.
Modi built ties across continents during the 1990s during his travels representing the BJP
“I was lucky to visit more than 40 countries & because of that I got very good exposure. I understood how the world is moving, what type of things are developing & where my country stood.' pic.twitter.com/zVnmL9zs2h
— Modi Archive (@modiarchive) January 9, 2023
