മലപ്പുറം: മലയാള സിനിമക്ക് ലഭിച്ച പുണ്യമാണ് ഉണ്ണി മുകുന്ദനെന്ന് ബിജെപി ദേശീയ ഉപാദ്ധ്യക്ഷൻ എ.പി അബ്ദുള്ളക്കുട്ടി. മാളികപ്പുറം സിനിമ Malikappuram movie കണ്ടതിന് ശേഷം ഫേസ്ബുക്കിൽ പങ്കുവെച്ച ആസ്വാദനക്കുറിപ്പിൽ അബ്ദുള്ളക്കുട്ടി സിനിമയുടെ അണിയറ പ്രവർത്തകരെയും അഭിനേതാക്കളെയും മുഴുവൻ അഭിനന്ദിച്ചു. ഒറ്റ വാക്കിൽ പറഞ്ഞാൽ മാളികപ്പുറം ” ഗംഭീരം” എന്നും അദ്ദേഹം കുറിച്ചു.
അയ്യപ്പന്റെ അനുഗ്രഹ കടാക്ഷം ലഭിച്ച നടനാണ് ഉണ്ണി മുകുന്ദൻ. പ്രേക്ഷകരെ പിടിച്ചിരുത്തുന്ന അഭിനയമികവും അദ്ദേഹത്തിനുണ്ട് . മലയാള സിനിമയിൽ അടുത്ത സൂപ്പർ സ്റ്റാർ
Super star ഉണ്ണി മുകുന്ദനാകും Unni mukundan എന്ന് ഈ സിനിമയിലൂടെ നമുക്ക് ഉറപ്പിക്കാമെന്നും അബ്ദുള്ളക്കുട്ടി കൂട്ടിച്ചേർത്തു.
സിനിമയുടെ ആദ്യ പകുതിയിൽ ഒരു പാട് നല്ല മുഹൂർത്തങ്ങൾ സമ്മാനിച്ച് കടന്നു പോകുന്നു. രണ്ടാം പകുതിയോടെ സിനിമ വേറെ ഒരു തലത്തിലേക്ക് നമ്മെ കൈ പിടിച്ചു കൊണ്ട് പോകുകയാണ്.
ആ കൊച്ചു കുട്ടികൾ മനസ്സിൽ നിന്നും മായുന്നില്ല . പ്രത്യേകിച്ചും കല്യാണി .. ഒരു അവാർഡിനുള്ള സാധ്യത ഈ വേഷത്തിലൂടെ അവരെ തേടിയെത്തും എന്ന കാര്യത്തിൽ തർക്കം ഉണ്ടാകില്ല. സൈജു കുറുപ്പ് താൻ മലയാള സിനിമയിൽ ഒരു അവിഭാജ്യ ഘടകം ആകും എന്ന് ഒരിക്കൽ കൂടി തെളിയിച്ച പ്രകടനമാണ് മാളികപുറത്തിലൂടെ നടത്തിയിരിക്കുന്നത് .
ഒരു സിനിമയുടെ ക്യാപ്റ്റൻ തീർച്ചയായും അതിന്റെ സംവിധായകൻ ആണ്. മികച്ച രീതിയിൽ അത് അണിയിച്ചൊരുക്കാൻ വിഷ്ണു ശശി ശങ്കർ എന്ന യുവ സംവിധായകന് കഴിഞ്ഞു. രചന നിർവ്വഹിച്ച അഭിലാഷ് പിള്ളയും കയ്യടി അർഹിക്കുന്നു. വളരെ ഒതുക്കം ഉള്ള ഒട്ടും മടുപ്പു തോന്നാത്ത രീതിയിൽ ആണ് അയാൾ തിരക്കഥ ഒരുക്കിയിരിക്കുന്നത്.
ശബരിമല അയ്യപ്പൻറെ തിരുസന്നിധി സന്ദർശിക്കാൻ അവസരം കിട്ടാത്ത ഒരാൾക്ക് ഈ സിനിമ കണ്ട് ഇറങ്ങുമ്പോൾ മലകയറി അയ്യപ്പനെ കണ്ടു ദർശനം നടത്തി തിരിച്ചു വരുന്ന പ്രതീതി ഉണ്ടാകും. ഒരു മികച്ച ഫാമിലി എൻറർടെയ്നർ ആണ് “മാളികപുറം” എന്ന് പറഞ്ഞാണ് അദ്ദേഹം ആസ്വാദനക്കുറിപ്പ് അവസാനിപ്പിക്കുന്നത്.
Discussion about this post