ന്യൂഡൽഹി: പെട്രോളിന്റെയും ഡീസലിന്റെയും വില കുതിച്ചുയരുന്നതിനാൽ, ഇലക്ട്രിക് വാഹനങ്ങളോടുള്ള ആവേശം അതിവേഗം വർദ്ധിച്ചുകൊണ്ടിരിക്കുകയാണ്. കുതിച്ചുയരുന്ന പെട്രോൾ വില കാരണം ബൈക്ക് ഓടിക്കുന്നതിനും ചെലവേറെയാണ്.
ഇ-സൈക്കിളുകളുടെയും ഇ-സ്കൂട്ടറുകളുടെയും ഉയർന്ന നിരക്ക് കാരണം ആളുകൾക്ക് അത്തരം വാഹനങ്ങളും വാങ്ങാൻ കഴിയുന്നില്ല. അതിനാൽ ഈ എളുപ്പമാർഗ്ഗം നിങ്ങൾക്ക് പരീക്ഷിക്കാവുന്നതാണ്. വിലകുറഞ്ഞ രീതിയിൽ ഇലക്ട്രിക് വാഹനം എന്ന സ്വപ്നം നിറവേറ്റാൻ നിങ്ങൾ ആഗ്രഹിക്കുന്നുവെങ്കിൽ ഇതാ ഒരു പരിഹാരം. നിങ്ങളുടെ വീട്ടിലുള്ള പഴയതോ സാധാരണ മോഡലോ ആയ ഏത് സൈക്കിളും ഇലക്ട്രിക് സൈക്കിളാക്കി മാറ്റാം (ഇ-സൈക്കിൾ).
അതിനായി നിങ്ങളുടെ പഴയ സൈക്കിളിൽ ഇലക്ട്രിക് കൺവേർഷൻ കിറ്റ് ഇൻസ്റ്റാൾ ചെയ്യണം. ഈ ഇലക്ട്രിക് കൺവേർഷൻ കിറ്റ് ഓൺലൈനിലും ലഭ്യമാണ്. ഇ-സൈക്കിളിന് ഒരിക്കൽ ചാർജ് ചെയ്താൽ 40 കിലോമീറ്റർ വരെ എളുപ്പത്തിൽ ഓടാനാകും. മണിക്കൂറിൽ 25 കിലോമീറ്റർ വേഗതയാണ് ഇ സൈക്കിളിന് ലഭ്യമാകുക. വിപണിയിൽ 35 മുതൽ 40 തിനായിരം വരെ വിലവരുന്ന ഇ-സൈക്കിൾ നിങ്ങൾക്കു തന്നെ സാദ്ധ്യമാക്കിയെടുക്കാവുന്നതാണ്.
ഇതിനായി നിങ്ങൾ കഠിനാധ്വാനം ചെയ്യേണ്ടതില്ല. ഓൺലൈനിൽ ലഭ്യമായ ഒരു ഇലക്ട്രിക് കൺവേർഷൻ കിറ്റ് ഒരു സാധാരണ സൈക്കിളിലേക്ക് ഘടിപ്പിക്കുന്നതിന് വളരെ എളുപ്പമാണ്. ഏതൊരു മെക്കാനിക്കും ഈ കിറ്റ് നിങ്ങളുടെ സൈക്കിളിൽ ഘടിപ്പിച്ചു തരും. അൽപ്പം കഠിനാധ്വാനം ചെയ്താൽ, ഈ ജോലി നിങ്ങൾക്ക് സ്വയം ചെയ്യാൻ കഴിയും.
ആമസോണിൽ നിന്ന് നിങ്ങൾക്ക് ഇലക്ട്രിക് കൺവേർഷൻ കിറ്റ് (ഇ-സൈക്കിൾ) വാങ്ങാം. ALTER 24V ചെയിൻ ഡ്രൈവ് സൈക്കിൾ കൺവേർഷൻ കിറ്റിന്റെ വില വെറും 6,100 രൂപയാണ്.
Discussion about this post