മുഖ്യമന്ത്രി പിണറായി വിജയൻ നടത്തിയ ഇംഗ്ലീഷ് പ്രസംഗം സമൂഹമാദ്ധ്യമങ്ങളിൽ ശ്രദ്ധ നേടുകയാണ്. തെലങ്കാന മുഖ്യമന്ത്രി കെ.ചന്ദ്രശേഖര റാവു മൂന്നാം മുന്നണി രൂപീകരണം ലക്ഷ്യമിട്ട നടത്തിയ മഹാറാലിയിലാണ് പിണറായി വിജയൻ ഇംഗ്ലീഷിൽ പ്രസംഗിച്ചത്. ദേശീയ നേതാക്കൾ ഉൾപ്പെടെ നിരവധി സംസ്ഥാനങ്ങളിലെ മുഖ്യമന്ത്രിമാർ പങ്കെടുത്ത റാലിയിൽ ജനങ്ങളെ അഭിസംബോധന ചെയ്തുകൊണ്ട് നടത്തിയ പ്രസംഗത്തിൽ മുഖ്യമന്ത്രിയ്ക്ക് നാക്ക് പിഴ സംഭവിക്കുകയായിരുന്നു. ഇത് വൈറലായതോടെ ട്രോളുമായി നിരവധി പേർ രംഗത്തെത്തി
ഇന്ത്യയിൽ പട്ടിണിയും ദാരിദ്ര്യവുമാണെന്നും വിലക്കയറ്റമാണ് ഇതിന് കാരണമെന്നുമാണ് പിണറായി വിജയൻ പ്രസംഗത്തിൽ പറഞ്ഞത്. ‘ 80 പേർസെന്റ് ഓഫ് പീപ്പിൾ പുഷ്ഡ് ഇൻടു ”പ്രോപ്പർട്ടി” ‘എന്നും അദ്ദേഹം പറഞ്ഞു. ഇവിടെയാണ് മുഖ്യമന്ത്രിക്ക് നാക്ക് പിഴ സംഭവിച്ചതും. ”പോവർട്ടി” എന്ന വാക്കിന് പകരം ”പ്രോപ്പർട്ടി” എന്ന വാക്ക് ഉപയോഗിച്ച മുഖ്യമന്ത്രിക്കെതിരെ ട്രോൾ മഴയാണ്.
https://twitter.com/anilp68/status/1616123248596652033
”നോക്കി വായിക്കാൻ പോലും നമ്മുടെ മുഖ്യന് അറിയില്ലേ” എന്നാണ് ചിലർ ചോദിച്ചത്. ‘
മലയാളത്തിൽ ഇംഗ്ലീഷ് വായിക്കുമ്പോൾ ‘പ’ യും ‘വ’ യും മാറിപ്പോയതാണ് ” എന്നും ചിലർ പറയുന്നു. ” മുഖ്യന് റിയൽ എസ്റ്റേറ്റിലാണ് കണ്ണ്” എന്നും ചില കമന്റുകൾ പ്രത്യക്ഷപ്പെട്ടിട്ടുണ്ട്. ” പ്രോപ്പർട്ടി ഇല്ലെങ്കിൽ പിന്നെ പോവർട്ടി തന്നെയാണ്” എന്നാണ് ആളുകൾ പ്രതികരിക്കുന്നത്.
