‘അന്ന് ചായ വിറ്റുനടന്നയാൾ ഇന്ന് ഭൂഗോളത്തിലെ ഏറ്റവും ശക്തനായ നേതാവ്‘: പ്രധാനമന്ത്രി നരേന്ദ്ര മോദിയെ പ്രശംസിച്ച് ബ്രിട്ടീഷ് എം പി

ലണ്ടൻ: ലോകത്തിലെ ഏറ്റവും വേഗത്തിൽ വളരുന്ന സമ്പദ് വ്യവസ്ഥയായ ഇന്ത്യയുമായുള്ള യുകെയുടെ ബന്ധത്തിന്റെ പ്രാധാന്യം വലുതെന്ന് ബ്രിട്ടീഷ് പാർലമെന്റ് അംഗവും നിയമനിർമ്മാതാവുമായ ലോർഡ് കരൺ ബിലിമോറിയ. പ്രധാനമന്ത്രി ഇന്ന് ലോകത്തിലെ ശക്തരായ ഭരണാധികാരികളിൽ ഒരാളാണെന്നും അദ്ദേഹം കൂട്ടിച്ചേർത്തു.

കുട്ടിയായിരുന്നപ്പോൾ അദ്ദേഹം ഗുജറാത്തിലെ റെയിൽവേ സ്‌റ്റേഷനിലെ അച്ഛന്റെ ചായക്കടയിൽ ചായ വിറ്റു. ഇന്ന് ഇന്ത്യയുടെ പ്രധാനമന്ത്രിയെന്ന നിലയിൽ ഈ ഭൂമിയിലെ ഏറ്റവും ശക്തരായ വ്യക്തികളിൽ ഒന്നാണെന്നാണ് ബിലിമോറിയയുടെ പരാമർശം. യുകെയും ഇന്ത്യയും തമ്മിലുള്ള ബന്ധത്തിന്റെ പ്രധാന്യം എന്ന സംവാദത്തിൽ സംസാരിക്കുകയായിരുന്നു അദ്ദേഹം.

ഇന്ന് ഇന്ത്യയ്ക്ക് ജി 20 യുടെ അദ്ധ്യക്ഷസ്ഥാനമുണ്ട്. അടുത്ത 25 വർഷത്തിനുള്ളിൽ 32 ബില്യൺ യുഎസ് ഡോളർ ജിഡിപിയുള്ള ലോകത്തിലെ രണ്ടാമത്തെ വലിയ സമ്പദ്വ്യവസ്ഥയായി മാറാനുള്ള ശക്തിയും ബുദ്ധിയും ഇന്ന് ഇന്ത്യയ്ക്കുണ്ട്. ഇപ്പോൾ ലോകത്തിലെ ഏറ്റവും വേഗതയേറിയ ട്രെയിനായി ഇന്ത്യൻ എക്‌സ്പ്രസ് മാറി. ലോകത്തിലെ ഏറ്റവും വേഗത്തിൽ വളരുന്ന പ്രധാന സമ്പദ്വ്യവസ്ഥ. വരും ദശകങ്ങളിൽ യുകെ അവരുടെ ഏറ്റവും അടുത്തതും വിശ്വസ്തവുമായ സുഹൃത്തും പങ്കാളിയും ആയിരിക്കണമെന്ന് അദ്ദേഹം ഊന്നി പറഞ്ഞു.

ഇന്ത്യ ഇപ്പോൾ യുകെയെ മറികടന്ന് ലോകത്തിലെ അഞ്ചാമത്തെ വലിയ സമ്പദ്വ്യവസ്ഥയാണെന്നും ലോകത്തിലെ ഏറ്റവും വേഗത്തിൽ വളരുന്ന വലിയ സമ്പദ്വ്യവസ്ഥയാണെന്നും അദ്ദേഹം കൂട്ടിച്ചേർത്തു. 75 വർഷത്തെ ജനാധിപത്യമുള്ള, ഇന്ത്യ,ഒരു യുവ രാജ്യമാണ്. കഴിഞ്ഞ സാമ്പത്തിക വർഷത്തിൽ 8.7 ശതമാനം വളർച്ചാ നിരക്കുണ്ടായിരുന്നു, കൂടാതെ 100 യൂണികോൺ കമ്പനികളിൽ 10 എണ്ണം ഇന്ത്യയുടേതാണ്. നാലാമത്തെ വലിയ ഉത്പാദക രാജ്യവുമാണ്.യുകെയുടെ 12-ാമത്തെ വലിയ വ്യാപാര പങ്കാളി മാത്രമാണ് ഇന്ത്യ. അത് പോരാ. വരും വർഷങ്ങളിൽ ഇതിൽ വലിയ മാറ്റം വരുത്തണമെന്ന് അദ്ദേഹം കൂട്ടിച്ചേർത്തു.