ന്യൂഡൽഹി: കാലഹരണപ്പെട്ട ജയിൽ നിയമങ്ങളും ഭരണവും പരിഷ്ക്കരിക്കണമെന്ന് പ്രധാനമന്ത്രി നരേന്ദ്രമോദി. ന്യൂഡൽഹിയിൽ നടന്ന ഡയറക്ടർ ജനറൽമാരുടെ/ഇൻസ്പെക്ടർ ജനറൽമാരുടെ 57-ാമത് അഖിലേന്ത്യാ സമ്മേളനത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം.
പോലീസ് സേനയെ കൂടുതൽ കാര്യക്ഷമമാക്കാനും സാങ്കേതിക വിദ്യയിൽ കൂടുതൽ പരിജ്ഞാനം നേടി സേനയ്ക്കായി ഉപയോഗിക്കാനും അദ്ദേഹം നിർദ്ദേശം നൽകി. ഡാറ്റാ കൈമാറ്റം സുഗമമാക്കുന്നതിനുള്ള ദേശീയ ഡാറ്റാ ഗവേണൻസിന്റെ പ്രധാന്യം അദ്ദേഹം സമ്മേളനത്തിൽ ചൂണ്ടിക്കാട്ടി.
കാലഹരണപ്പെട്ട ക്രിമിനൽ നിയമങ്ങൾ റദ്ദാക്കാനും സംസ്ഥാനങ്ങളിലുടനീളമുള്ള പോലീസ് സ്റ്റേഷനുകളുടെ നിലവാരം ഉയർത്താനും അദ്ദേഹം ശുപാർശ ചെയ്തു. ജയിൽ മാനേജ്മെന്റ് മെച്ചപ്പെടുത്താൻ ജയിൽ പരിഷ്കരണങ്ങൾ അദ്ദേഹം നിർദ്ദേശിച്ചു. ഉദ്യോഗസ്ഥരുടെ പതിവ് സന്ദർശനങ്ങൾ സംഘടിപ്പിച്ച് അതിർത്തി ശക്തിപ്പെടുത്തുന്നതിനെക്കുറിച്ചും തീരദേശ സുരക്ഷയെക്കുറിച്ചും പ്രധാനമന്ത്രി ചർച്ച നടത്തി.
കഴിവുകൾ പ്രയോജനപ്പെടുത്തുന്നതിനും മറ്റും സംസ്ഥാന പോലീസും കേന്ദ്ര ഏജൻസികളും തമ്മിലുള്ള വർദ്ധിച്ച സഹകരണത്തിനും ഉള്ള പ്രധാന്യം പ്രധാനമന്ത്രി ചൂണ്ടിക്കാട്ടി.
Discussion about this post