ആലപ്പുഴ: നവവധുവിനെ പീഡിപ്പിച്ച് ഗർഭിണിയാക്കിയ സംഭവത്തിൽ ഭർത്താവിന്റെ സുഹൃത്ത് പിടിയിൽ. കരൂർ മാളിയേക്കൽ നൈസാമാണ് (47) പിടിയിലായത്. ഇയാൾക്കെതിരെ പോക്സോ ചുമത്തി അമ്പലപ്പുഴ പോലീസ് കേസെടുത്തു.
ഡിസംബർ 18 വിവിാഹിതയായ യുവതി,ശാരീരികാസവസ്ഥകളെ തുടർന്ന് ചികിത്സ തേടിയപ്പോഴാണ് ഗർഭിണിയാണെന്ന് മനസിലായത്. പരിശോധനയിൽ യുവതി വിവാഹത്തിന് മുമ്പേ യുവതി ഗർഭിണിയാണെന്ന വിവരം ഭർതൃവീട്ടുകാർ അറിഞ്ഞത്. പ്രതി മുൻകൈ എടുത്താണ് തന്റെ പരിചയത്തിലുള്ള യുവാവിനെക്കൊണ്ട് യുവതിയെ വിവാഹം കഴിപ്പിച്ചത്.
യുവതിയ്ക്ക് 16 വയസ് ഉള്ളപ്പോൾ മുതൽ പ്രതി ലൈംഗികചൂഷണം നടത്തിവരികയായിരുന്നു. ഭീഷണിപ്പെടുത്തി നീണ്ട അഞ്ചുവർഷം ഇയാൾ യുവതിയെ പീഡിപ്പിക്കുകയായിരുന്നു. ഇയാളുടെ സ്ഥാപനത്തിലായിരുന്നു സാമ്പത്തികമായി പിന്നാക്കം നിൽക്കുന്ന പെൺകുട്ടി ജോലി ചെയ്തിരുന്നത്.
പെൺകുട്ടി എതിർപ്പു പ്രകടിപ്പിച്ചതിനെ തുടർന്ന് പെൺകുട്ടിയെ കടയിൽ നിന്നും പുറത്താക്കിയ നൈസാം മാസങ്ങൾക്കു ശേഷം വീട്ടിലെത്തി, ഉപദ്രവിക്കിലെന്ന് ഉറപ്പ് നൽകി ജോലിക്ക് തിരികെ കൊണ്ടുപോയിരുന്നു.. എന്നാൽ ജോലിയിൽ പ്രവേശിച്ചശേഷം നിരന്തരം ശാരീരികമായി ഉപദ്രവിക്കുകയും, ആലപ്പുഴയിലെ ലോഡ്ജ് മുറിയിലെത്തിച്ച് മദ്യം നൽകി പീഡിപ്പിക്കുകയും സുഹൃത്തുക്കൾക്ക് കാഴ്ചവയ്ക്കാൻ ശ്രമിക്കുകയും ചെയ്തുവെന്ന് യുവതി ആരോപിച്ചു.
Discussion about this post