കോഴിക്കോട്; ഇന്ത്യ മത സ്വാതന്ത്ര്യമുള്ള നാടാണെന്ന് സമസ്ത കേരള ജംഇയ്യത്തുൽ ഉലമ സെക്രട്ടറി പൊന്മള അബ്ദുൽ ഖാദർ മുസ്ലിയാർ. ഇന്ത്യ പോലെ മുസ്ലീങ്ങൾക്ക് പ്രവർത്തന സ്വാതന്ത്ര്യമുള്ള മറ്റൊരു രാജ്യമില്ല. സൗദി പോലുള്ള ഇസ്ലാമിക രാജ്യങ്ങളിൽ പോലും ഇന്ത്യയിലേത് പോലെ സ്വാതന്ത്ര്യം ലഭിക്കാറില്ലെന്നും അദ്ദേഹം കൂട്ടിച്ചേർത്തു. കോഴിക്കോട് എസ് എസ് എഫ് സമ്മേളനത്തിൽ സംസാരിക്കുകയായിരുന്നു അദ്ദേഹം.
വെള്ളിയാഴ്ച മതപ്രഭാഷണം നടത്താൻ നമ്മുടെ രാജ്യത്ത് ഒരു തടസ്സവുമില്ല. ഗൾഫ് രാജ്യങ്ങളിൽ ഈ സ്വാതന്ത്ര്യം പോലും ഇല്ല. യുഎിയിൽ പത്ത് വർഷം മുൻപ് തന്നെ ഇതിനുള്ള സ്വാതന്ത്ര്യം തടഞ്ഞെന്നും അദ്ദേഹം കൂട്ടിച്ചേർത്തു.
ഇന്ത്യ മതസ്വാതന്ത്ര്യം അനുവദിക്കുന്ന നാടാണ്. സൗദി ഉൾപ്പടെയുള്ള ഇസ്ലാമിക രാജ്യങ്ങളിൽപോലും ഇവിടുത്തെ സ്വാതന്ത്ര്യമില്ല. താഴെത്തട്ടുവരെ മതപ്രവർത്തന സ്വാതന്ത്യം ഇന്ത്യയിലല്ലാതെ മറ്റൊരിടത്തും ഇല്ലെന്നും പൊന്മള അബ്ദുൽ ഖാദർ മുസ്ലിയാർ ചൂണ്ടിക്കാട്ടി.
”ലോകരാഷ്ട്രങ്ങൾ പരിശോധിക്കുമ്പോൾ, ഇസ്ലാമികമായ നമ്മുടെ ഈ പ്രവർത്തനങ്ങൾ നടക്കുന്ന മറ്റൊരു രാജ്യമില്ല. നമ്മുടെ ദീനിയായ പ്രവർത്തനം, ഇന്ന് നടത്തുന്നത് പോലെ സൗകര്യമുള്ള ഒരൊറ്റ രാജ്യവുമില്ല. നമ്മുടെ രാജ്യത്ത് നടക്കുന്ന ഈ സംഘടനാ പ്രവർത്തനങ്ങൾ വേറെ എവിടെയാണ് നടക്കുക?. ഖത്തറായാലും സൗദിയായാലും കിഴക്കൻ രാജ്യങ്ങളായാലും, ഒരിടത്തും നമ്മളെ പോലെ പ്രവർത്തനങ്ങൾക്ക് പറ്റിയ രാജ്യമില്ല. നമ്മുടെ രാജ്യത്ത് എവിടെയും മുസ്ലീങ്ങൾക്ക് സംഘടനാ പ്രവർത്തനങ്ങൾ നടത്താം. ഇങ്ങനെ കൂടാൻ ഇസ്ലാമിക രാജ്യമെന്ന് പറയുന്ന സൗദി അറേബ്യയ്ക്കോ ഖത്തറിനോ പറ്റുമോ?. അവിടെയാന്നും പറ്റില്ലെന്നായിരുന്നു” പൊന്മള അബ്ദുൽ ഖാദർ മുസ്ലിയാരുടെ പരാമർശം
