ഭുവനേശ്വർ: ദക്ഷിണാഫ്രിക്കക്കെതിരായ തകർപ്പൻ ജയത്തോടെ ഹോക്കി ലോകകപ്പിൽ നിന്നും അഭിമാനത്തോടെ മടങ്ങി ഇന്ത്യ. രണ്ടിനെതിരെ 5 ഗോളുകൾക്കാണ് ഇന്ത്യയുടെ വിജയം. ഇതോടെ ഈ ലോകകപ്പിൽ ഒൻപതാം സ്ഥാനത്ത് ഫിനിഷ് ചെയ്യാൻ ഇന്ത്യക്ക് സാധിച്ചു. ഈ ലോകകപ്പിൽ ന്യൂസിലൻഡിനെതിരായ ക്രോസ് ഓവർ മത്സരത്തിൽ മാത്രമാണ് ഇന്ത്യ തോൽവി അറിഞ്ഞത്.
അന്താരാഷ്ട്ര ഹോക്കി ഫെഡറേഷന്റെ റാങ്കിംഗ് പ്രകാരം ഈ ലോകകപ്പിൽ 10, 12, 14, 16 സ്ഥാനക്കാർ ഉണ്ടാകില്ല. എന്നാൽ, 9, 11, 13, 15 സ്ഥാനം രണ്ട് ടീമുകൾ വീതം പങ്കുവെക്കും.
9-16 സ്ഥാനക്കാരെ നിർണയിക്കാനുള്ള മത്സരത്തിൽ ജപ്പാനെതിരെയും ഇന്ത്യ തകർപ്പൻ ജയം നേടിയിരുന്നു. ഏകപക്ഷീയമായ 8 ഗോളുകൾക്കായിരുന്നു ഇന്ത്യയുടെ ജയം.
വെയ്ൽസിനെ ഏകപക്ഷീയമായ 6 ഗോളുകൾക്ക് തകർത്ത അർജന്റീന ഇന്ത്യക്കൊപ്പം ഒൻപതാം സ്ഥാനം പങ്കിടും.
Discussion about this post