ബംഗളൂരു: കർണാടകയിൽ ഛത്രപതി ശിവാജി മഹാരാജിനെ അവഹേളിച്ച സംഭവത്തിൽ പ്രായപൂർത്തിയാകാത്ത ആൺകുട്ടി കസ്റ്റഡിയിൽ. വിജയപുര സ്വദേശിയായ കുട്ടിയെ ആണ് കസ്റ്റഡിയിൽ എടുത്തത്. സംഭവത്തിൽ കുട്ടിയ്ക്കെതിരെ എഫ്ഐആർ രജിസ്റ്റർ ചെയ്തിട്ടുണ്ട്.
ഛത്രപതി ശിവാജിയെ അധിക്ഷേപിച്ചുകൊണ്ടുള്ള വീഡിയോ ആയിരുന്നു കുട്ടി പങ്കുവെച്ചത്. വാട്സ് ആപ്പിൽ സ്റ്റാറ്റസ് ആക്കിയിട്ട വീഡിയോ ഹിന്ദു സംഘടനാ പ്രവർത്തകരുടെ ശ്രദ്ധയിൽപ്പെടുകയായിരുന്നു. ഇതോടെ പ്രവർത്തകർ പോലീസിൽ പരാതി നൽകി. ഇതിന്റെ അടിസ്ഥാനത്തിലാണ് പോലീസ് കുട്ടിയെ കസ്റ്റഡിയിൽ എടുത്തത്.
ശിവാജിയുടെ വീഡിയോ കുട്ടി സ്വയം നിർമ്മിച്ചത് ആണോ അല്ലെങ്കിൽ ആരെങ്കിലും എഡിറ്റ് ചെയ്ത് നൽകിയതാണോ തുടങ്ങിയ കാര്യത്തിൽ വ്യക്തതയില്ല. ഇക്കാര്യം പോലീസ് വിശദമായി പരിശോധിക്കുകയാണ്. വീഡിയോ നിർമ്മിച്ച് നൽകിയത് ആണെങ്കിൽ ഇവരെയും പോലീസ് കസ്റ്റഡിയിൽ എടുക്കും. സംഭവവുമായി ബന്ധപ്പെട്ട് കുട്ടിയിൽ നിന്നും പോലീസ് മൊഴി ശേഖരിച്ചുവരികയാണ്.
കുറ്റക്കാർക്കെതിരെ കർശന നടപടി സ്വീകരിച്ചില്ലെങ്കിൽ ശക്തമായ പ്രതിഷേധവുമായി രംഗത്ത് എത്തുമെന്ന് ഹിന്ദു സംഘടനാ പ്രവർത്തകർ വ്യക്തമാക്കി. ശിവാജി സർക്കിളിൽ ശക്തമായ പ്രതിഷേധ പ്രകടനം നടത്തുമെന്നും മുന്നറിയിപ്പ് നൽകിയിട്ടുണ്ട്.
Discussion about this post