തിരുവനന്തപുരം: പ്രശസ്ത നടൻ കാലടി ജയൻ അന്തരിച്ചു. 72 വയസായിരുന്നു. ഹൃദയസംബന്ധമായ അസുഖങ്ങളെ തുടർന്ന് തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലായിരുന്നു.
ഒരു സിബിഐ ഡയറിക്കുറിപ്പ്, തലയണമന്ത്രം, അര്ത്ഥം, ജാഗ്രത, കളിക്കളം, ചെറിയ ലോകവും വലിയ മനുഷ്യരും, വ്യൂഹം, ഏകലവ്യൻ, ജനം, മഴവിൽക്കാവടി തുടങ്ങിയ ചിത്രങ്ങളില് ശ്രദ്ധേയമായ വേഷങ്ങൾ കൈകാര്യം ചെയ്തിട്ടുണ്ട്. അമ്പതോളം നാടകങ്ങളിലും നൂറില് അധികം സീരിയലുകളിലും അഭിനയിച്ചു. പത്തിലധികം സീരിയലുകളുടെ എക്സിക്യൂട്ടീവ് പ്രൊഡ്യൂസർ ആയും പ്രവർത്തിച്ചിട്ടുണ്ട്.
സംസ്കാരം പിന്നീട്.
