കൊച്ചി: സംസ്ഥാനത്ത് സ്വർണ വിലയിൽ നേരിയ ഇടിവ്. പവന് 320 രൂപ കുറഞ്ഞു. ഒരു പവൻ സ്വർണത്തിന് 41,600 രൂപയാണ് ഇന്നത്തെ വില. ഗ്രാമിന് വില 5,240.
ഒരു പവൻ സ്വർണത്തിന് 41,920 രൂപയായിരുന്നു ഇന്നലത്തെ വില. മൂന്ന് ദിവസം കൊണ്ട് 400 രൂപയാണ് പവന് കുറഞ്ഞത്. ഫെബ്രുവരി 2ന് ഈ മാസത്തെ ഏറ്റവും ഉയർന്ന നിരക്ക് സ്വർണത്തിന് രേഖപ്പെടുത്തിയിരുന്നു. ഒരു പവന് 42,880 രൂപയായിരുന്നു അന്നത്തെ വില. ജനുവരി 26ന് രേഖപ്പെടുത്തിയ 42,480 രൂപയായിരുന്നു ആ മാസത്തെ ഏറ്റവും ഉയർന്ന നിരക്ക്.
നിലവിൽ സ്വർണം വാങ്ങി സൂക്ഷിക്കാൻ പറ്റിയ അവസരമാണ് ഇതെന്നാണ് വ്യാപാരികൾ പറയുന്നത്. സ്വർണത്തിന് ഈ വർഷം വലിയ തോതിൽ വില ഉയർന്നേക്കാം. കഴിഞ്ഞ വർഷം സ്വർണ വില 15 ശതമാനത്തോളം ഉയർന്നിരുന്നു.
അതേസമയം വെള്ളി വിലയിലും ഇന്ന് കുറവ് രേഖപ്പെടുത്തി. ഒരു ഗ്രാം വെള്ളിക്ക് 71.80 രൂപയാണ് ഇന്നത്തെ വില. എട്ട് ഗ്രാമിന് വില 574.40 രൂപ.
Discussion about this post