കൊല്ലം: സർക്കാർ സ്കൂളിലെ ഭക്ഷണശാലയിലെ സീലിംഗ് ഇളകിവീണ് അപകടം. വെട്ടിക്കവല ഗവ. എൽപിഎസിൽ ആണ് സംഭവം. എം എൽ എ ഗണേഷ്കുമാറിന്റെ പ്രാദേശിക വികസനഫണ്ട് വഴി 2022 ജൂൺ മാസം ഉദ്ഘാടനം നിർവ്വഹിച്ച ഭക്ഷണശാലയിലാണ് അപകടം സംഭവിച്ചത്.
സ്കൂളിലെ ചെറിയ ക്ലാസിലെ വിദ്യാർത്ഥികൾ ഭക്ഷണം കഴിക്കുന്ന ഹാളാണിത്. കുട്ടികൾ ഭക്ഷണം കഴിക്കാൻ കയറി ഇരിക്കുന്നതിന് കഷ്ടിച്ച് അരമണിക്കൂറിന് മുമ്പാണ് സീലിംഗ് ഇളകി വീണത്. സീലിംഗ് ഇളകി വീഴുന്ന സമയം ഹാളിൽ കുട്ടിൾ ഇല്ലാത്തിനാൽ വൻ അപകടം ഒഴിവായി
ഉദ്ഘാടനം കഴിഞ്ഞ് ഒരു വർഷം കഴിയും മുൻപേ സീലിംഗ് മുഴുവൻ ഇളകിവീണത് നിർമ്മാണ പ്രവർത്തിയിൽ അഴിമതി നടന്നിട്ടുണ്ടെന്ന നിഗമനത്തിലേക്കാണ് എത്തിക്കുന്നത്. കൊച്ചു കുട്ടികൾ ഇരുന്ന് ഭക്ഷണം കഴിക്കുന്ന ഹാള് പോലും അഴിമതി രഹിതമായി പണി പൂർത്തിയാക്കി നൽകാൻ പറ്റാത്ത അവസ്ഥയിലേക്ക് കേരളം എത്തിച്ചേർന്നിരിക്കുന്നുവെന്നാണ് വിമർശനം ഉയരുന്നത്.
