തിരുവനന്തപുരം: വിദ്യാർത്ഥിനിയെ പീഡിപ്പിച്ച സിപിഎം ബ്രാഞ്ച് സെക്രട്ടറി അറസ്റ്റിൽ. തിരുവനന്തപുരം മംഗലപുരത്താണ് സംഭവം. സിപിഎം കണിയാപുരം ലോക്കൽ കമ്മിറ്റിക്ക് കീഴിലുള്ള കല്ലിങ്കര ബ്രാഞ്ച് സെക്രട്ടറി ഷമീറിനെയാണ്(50) മംഗലപുരം പോലീസ് അറസ്റ്റ് ചെയ്തത്. പെൺകുട്ടി പഠിക്കുന്ന വിദ്യാഭ്യാസ സ്ഥാപനത്തിലെ ജീവനക്കാരനാണ് ഇയാൾ. പ്രതിക്കെതിരെ പോക്സോ ചുമത്തിയാണ് അറസ്റ്റ് ചെയ്തിരിക്കുന്നത്.
പതിനേഴുകാരിയായ വിദ്യാർത്ഥിനിയെ ഇയാൾ മാസങ്ങളായി പീഡിപ്പിച്ച് വരികയായിരുന്നു എന്ന് പോലീസ് പറയുന്നു.പെൺകുട്ടി പഠിക്കുന്ന വിദ്യാലയത്തിലെ ഓഫീസ് ജീവനക്കാരനാണ് ഇയാൾ. സ്കൂളിലെ ലാബിൽ വച്ചും മറ്റുമാണ് ഇയാൾ കുട്ടിയെ ലൈംഗികമായി ഉപദ്രവിച്ചത്. പീഡനം സഹിക്കാൻ കഴിയാതെ വന്നതോടെയാണ് പെൺകുട്ടി ഈ വിവരം അധ്യാപകരോട് പറയുന്നത്.
അധ്യാപകർ വിവരം അറിയിച്ചതിനെ തുടർന്ന് സിഡബ്ല്യുസി പെൺകുട്ടിയുടെ മൊഴി രേഖപ്പെടുത്തുകയും കേസ് മംഗലപുരം പൊലീസിന് കൈമാറുകയുമായിരുന്നു. ഇന്നലെയാണ് പ്രതിയുടെ അറസ്റ്റ് രേഖപ്പെടുത്തിയത്. ആറ്റിങ്ങൽ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Discussion about this post