മികച്ച തിരക്കഥയ്ക്ക് ലഭിച്ച പുരസ്‌കാരം തിരികെ നല്‍കാനൊരുങ്ങി എഴുത്തുകാരിയും ആക്ടിവിസ്റ്റുമായ അരുദ്ധതി റോയ്. ദേശിയ പുരസ്‌കാരങ്ങളെന്ന ചിന്തയോട് വ്യക്തിപരമായി യോജിപ്പില്ലെങ്കിലും തിരികെ നല്‍കിയ പുരസ്‌കാരങ്ങളുടെ പട്ടികയിലേക്ക് 1989 ല്‍ മികച്ച തിരക്കഥയ്ക്ക് ലഭിച്ച പുരസ്‌കാരവും ചേര്‍ത്ത് വെക്കാന്‍ ആഗ്രഹിക്കുന്നെന്ന് അവര്‍ പറഞ്ഞു.
സഹജീവികളെ ക്രൂരമായി മര്‍ദിക്കുകയും വെടിവെയ്ക്കുകയും അഗ്നിക്കിരയാക്കും ചെയ്യുന്നതിനെ കേവലം അസഹിഷ്ണുത എന്ന പേരില്‍ ഒതുക്കുന്നത് തെറ്റാണെന്ന് അവര്‍ പറഞ്ഞു. ആഴത്തില്‍ വേരൂന്നിയ ആകുലതയുടെ കേവല സൂചനകള്‍ മാത്രമാണ് ക്രൂരമായ കൊലപാതകങ്ങള്‍. ജീവിക്കുന്നവര്‍ക്കും ജീവിതം നരക തുല്യമാണ്. എപ്പോള്‍ ഏത് അപ്രതീക്ഷിത കോണില്‍ നിന്നാണ് ആക്രമണം ഉണ്ടാകുകയെന്ന് ഉറപ്പില്ലാതെ ഭീതിയോടെ ജീവിക്കാന്‍ ദളിതരും മുസ്ലിം സമുദായക്കാരും ആദിവാസികളും ക്രൈസ്തവരും ഉള്‍പ്പെടെയുള്ള ജനവിഭാഗങ്ങള്‍ നിര്‍ബന്ധിതരാകുകയാണ്- അവര്‍ പറഞ്ഞു.
കോണ്‍ഗ്രസ് സര്‍ക്കാര്‍ അധികാരത്തിലിരിക്കുമ്പോള്‍ 2005ലെ സാഹിത്യ അക്കാദമി പുരസ്‌കാരം താന്‍ നിരസിച്ചിരുന്നെന്നും അതിനാല്‍ കോണ്‍ഗ്രസ് -ബി.ജെ.പി തര്‍ക്കങ്ങളില്‍ നിന്ന തന്നെ ഒഴിവാക്കണമെന്നും അവര്‍ പറഞ്ഞു.
Discussion about this post