ന്യൂയോർക്ക്: പ്രശസ്ത ഹോളിവുഡ് ചിത്രം ആന്റ് മാനിലെ അഭിനേതാവ് ജൊനാതൻ മജോർസ് അറസ്റ്റിൽ. 30 കാരിയായ യുവതിയെ മർദ്ദിച്ചതുമായി ബന്ധപ്പെട്ട കേസിലാണ് നടനെ അറസ്റ്റ് ചെയ്തത്. ന്യൂയോർക്ക് പോലീസാണ് നടന്റെ അറസ്റ്റ് രേഖപ്പെടുത്തിയത്.
കുടുംബ വഴക്കാണ് യുവതിയെ മർദ്ദിക്കുന്നതിലേക്ക് നയിച്ചതെന്നാണ് റിപ്പോർട്ടുകൾ. ചെൽസയിലെ മാൻഹട്ടൻ നൈബർഹുഡിലുള്ള അപ്പാർട്ട്മെന്റിലായിരുന്നു സംഭവം. ഉടനെ വിവരം യുവതി പോലീസിനെ അറിയിക്കുകയായിരുന്നു. പോലീസ് എത്തി ജൊനാതനെ കസ്റ്റഡിയിൽ എടുക്കകയും യുവതിയെ ആശുപത്രിയിലാക്കുകയും ചെയ്തും.
ജൊനാതന്റെ ആക്രമണത്തിൽ യുവതിയ്ക്ക് തലയ്ക്കും കഴുത്തിലുമാണ് പരിക്കേറ്റത്. ഇവരുടെ ആരോഗ്യനില തൃപ്തികരമാണെന്നാണ് പോലീസ് പറയുന്നത്. അതേസമയം താൻ യുവതിയെ മർദ്ദിച്ചിട്ടില്ലെന്ന് നടൻ പ്രതികരിച്ചു. താൻ തെറ്റായി ഒന്നും ചെയ്തിട്ടില്ല. പരാതി വ്യാജമാണെന്നും നടൻ പറഞ്ഞു.
Discussion about this post