ന്യൂഡൽഹി: രാജ്യത്ത് കോവിഡ് കേസുകൾ കുത്തനെ കൂടുന്നു. ഇന്നലെ 2994 പേർക്കാണ് രോഗം സ്ഥിരീകരിച്ചത്. രണ്ട് മരണവും റിപ്പോർട്ട് ചെയ്യപ്പെട്ടു. 1390 പേർ രോഗമുക്തി നേടി ആശുപത്രി വിട്ടു. രോഗമുക്തിയും മരണനിരക്കും യഥാക്രമം 98.79 ശതമാനം, 1.19 ശതമാനം, എന്നിങ്ങനെയാണ്.
ഇന്ത്യയിൽ പ്രതിദിനം റിപ്പോർട്ട് ചെയ്യുന്ന കോവിഡ് -19 കേസുകളിൽ 19 ശതമാനവും, 41 ശതമാനം മരണങ്ങളും റിപ്പോർട്ട് ചെയ്യുന്നത് കേരളത്തിലാണ് . ആഴ്ചതോറും, പുതിയ കേസുകളിൽ 50% മുതൽ 75% വരെ വർധനയാണ് സംസ്ഥാനത്ത് കാണുന്നത്.
മാർച്ച് 1 നും 7 നും ഇടയിൽ കേരളത്തിൽ 355 പുതിയ കേസുകൾ റിപ്പോർട്ട് ചെയ്തു, മാർച്ച് 8 നും 14 നും ഇടയിൽ എണ്ണം 668 ആയി ഉയർന്നു. മൂന്നാം ആഴ്ച, മാർച്ച് 15 നും 21 നും ഇടയിൽ, കേസുകൾ ഉയർന്നു തുടങ്ങി. നിലവിൽ മഹാരാഷ്ട്രയിലാണ് ഏറ്റവും കൂടുതൽ രോഗം സ്ഥിരീകരിക്കുന്നത്.
Discussion about this post