മലപ്പുറം : വിദേശ പാഴ്സൽ വഴി സ്വർണം കടത്തിയ കേസിൽ മലപ്പുറത്ത് ആറ് പേർ പിടിയിൽ. മുന്നിയൂര് സ്വദേശിനി അസിയ, മലപ്പുറം സ്വദേശികളായ യാസിര്, റനീഷ് കോഴിക്കോട്ടുകാരായ ഷിഹാബ്, ജസീൽ, യാസിർ എന്നിവരാണ് പിടിയിലായത്. ആറ് കിലോയിലേറെ സ്വർണമാണ് ഇവർ ഒളിപ്പിച്ച് കടത്തിയത്.
തേപ്പുപെട്ടിയിലും മറ്റ് ഇലക്ട്രോണിക് ഉപകരണങ്ങളിലും ഒളിപ്പിച്ചാണ് സ്വർണം കടത്തിയത്. ഇതിന് മൂന്നര കോടിയിലേറെ വില വരുമെന്നാണ് നിഗമനം. സ്വര്ണക്കടത്തിന്റെ സൂത്രധാരനാണ് ഷിഹാബ്. ഇയാൾ കോഴിക്കോട് സബ് പോസ്റ്റ് ഓഫീസില് പാഴ്സല് ശേഖരിക്കാനെത്തിയപ്പോഴാണ് ഡിആർഐ ഇവരെ പിടികൂടിയത്.
ദുബായിൽ നിന്ന് പല ആളുകളുടെയും പേരിലാണ് പാഴ്സൽ അയയ്ക്കുന്നത്. തുടർന്ന് ഇയാൾ ഈ മേൽവിലാസത്തിൽ ഉള്ളവരുമായി വന്ന് പാഴ്സൽ ശേഖരിക്കുന്നതാണ് പതിവ് രീതി. നേരത്തെയും പലതവണ വിദേശ പാഴ്സൽ വഴി സ്വർണം കടത്തിയിട്ടുണ്ടെന്ന് ഡിആർഐ കണ്ടെത്തി.
Discussion about this post