മലപ്പുറം: മലപ്പുറം വഴിക്കടവിൽ വ്യാജ ഡോക്ടറെ അറസ്റ്റ് ചെയ്ത് പോലീസ്. നോർത്ത് പറവൂർ സ്വദേശി രതീഷിനെയാണ്(41) അറസ്റ്റ് ചെയ്തത്. 2018 മുതൽ ഇയാൾ വഴിക്കടവ് നാരോക്കാവിലെ സ്വകാര്യ ആശുപത്രിയിൽ ചികിത്സ നടത്തി വരുന്നുണ്ടെന്ന് പോലീസ് പറഞ്ഞു. രതീഷിന്റെ വിദ്യാഭ്യാസ യോഗ്യത പ്രീഡിഗ്രി മാത്രമാണെന്ന് അന്വേഷണത്തിൽ കണ്ടെത്തി.
മെഡിക്കൽ ഷോപ്പിലെ പരിചയം വച്ചാണ് രോഗികൾക്ക് ചികിത്സ നൽകി വന്നിരുന്നതെന്ന് ഇയാൾ പോലീസിനോട് പറഞ്ഞു. സംഭവത്തിൽ ആശുപത്രിയുടെ നടത്തിപ്പുകാരായ ഷാഫി ഐലാശേരിയേയും ഷമീറിനേയും പോലീസ് കസ്റ്റഡിയിലെടുത്തു.
Discussion about this post