24 മണിക്കൂറിനിടെ 7533 പേർക്ക് കൊറോണ; രോഗികളുടെ എണ്ണം കുറഞ്ഞുവരുന്നുവെന്ന് ആരോഗ്യമന്ത്രാലയം

ന്യൂഡൽഹി: കഴിഞ്ഞ 24 മണിക്കൂറിനിടെ രാജ്യത്ത് 7533 പേർക്ക് കൊറോണ സ്ഥിരീകരിച്ചു. തുടർച്ചയായ മൂന്നാം ദിവസമാണ് രോഗികളുടെ എണ്ണത്തിൽ കുറവ് രേഖപ്പെടുത്തുന്നത്. സജീവ കേസുകളുടെ എണ്ണം 53,862 ആണ്. 98.97 ശതമാനമാണ് രോഗമുക്തി നിരക്ക് എന്നും ആരോഗ്യമന്ത്രിലായം വ്യക്തമാക്കി.

അതേസമയം ഇന്നലെ ഒറ്റ ദിവസം മാത്രം 44 മരണങ്ങൾ ആണ് റിപ്പോർട്ട് ചെയ്തത്. ഡൽഹി, ഛത്തീസ്ഗഡ്, മഹാരാഷ്ട്ര എന്നീ സംസ്ഥാനങ്ങളിലാണ് കൂടുതൽ കേസുകൾ റിപ്പോർട്ട് ചെയ്യപ്പെട്ടത്. ഇതോടെ ആകെ മരണസംഖ്യ 5,31,468 ആയി ഉയർന്നിട്ടുണ്ട്. 1.19 ശതമാനമാണ് മരണനിരക്ക്. പ്രതിദിന പോസിറ്റിവിറ്റി നിരക്ക് 3.52 ശതമാനവും, പ്രതിവാര പോസിറ്റിവിറ്റി നിരക്ക് 5.42 ശതമാനവുമാണ്. 4775 പേരാണ് ഇന്നലെ പ്രതിരോധ വാക്‌സിൻ സ്വീകരിച്ചത്.