സിഡ്നി: മിസ് യൂണിവേഴ്സ് ഫൈനലിസ്റ്റ് കുതിരപ്പുറത്ത് നിന്നും വീണു മരിച്ചു. പ്രമുഖ ഓസ്ട്രേലിയൻ മോഡലായ സിയന്ന വെയർ (23) ആണ് മരിച്ചത്. കുതിരപ്പുറത്ത് നിന്നും വീണ് പരിക്കേറ്റതിനെ തുടർന്ന് സിയന്ന ചികിത്സയിലായിരുന്നു.
കഴിഞ്ഞ മാസം രണ്ടാം തിയതിയായിരുന്നു സിയന്ന കുതിരപ്പുറത്ത് നിന്നും വീണത്. വിൻഡ്സർ പോളോ ഗ്രൗണ്ടിൽ കുതിര സവാരി നടത്തുകയായിരുന്നു സിയന്ന. ഇതിനിടെ നിയന്ത്രണംവിട്ട് താഴേയ്ക്ക് വീഴുകയായിരുന്നു. തുടർന്ന് സാരമായ പരിക്കുകളാണ് ശരീരത്തിലേറ്റത്.
ഉടനെ അടുത്തുള്ള ആശുപത്രിയിൽ സിയന്നയെ പ്രവേശിപ്പിച്ചു. എന്നാൽ ആരോഗ്യനിലയിൽ കാര്യമായ പുരോഗതിയൊന്നും ഉണ്ടായില്ല. ജീവൻ രക്ഷാ ഉപകരണങ്ങളുടെ സഹായത്തോടെയായിരുന്നു സിയന്ന ജീവൻ നിലനിർത്തിയിരുന്നത്. ആരോഗ്യനില വീണ്ടും ഗുരുതരമായതിനെ തുടർന്ന് വ്യാഴാഴ്ചയായിരുന്നു സിയന്നയുടെ മരണം.
സിയന്നയുടെ മോഡലിംഗ് ഏജൻസിയായ സ്കൂപ്പ് മാനേജ്മെന്റ് ആണ് മരണ വിവരം പുറത്തുവിട്ടത്. സിയന്നയുടെ നിരവധി ചിത്രങ്ങളുെ ഏജൻസി പങ്കുവച്ചിരുന്നു. കഴിഞ്ഞ വർഷത്തെ ഓസ്ട്രേലിയൻ മിസ് യൂണിവേഴ്സ് മത്സരത്തിലെ 27 ഫൈനലിസ്റ്റുകളിൽ ഒരാൾ ആയിരുന്നു സിയന്ന.
