ന്യൂഡൽഹി : കേന്ദ്ര മന്ത്രിസഭയിൽ മാറ്റം. കേന്ദ്ര നിയമമന്ത്രി സ്ഥാനത്ത് നിന്ന് കിരൺ റിജിജുവിനെ മാറ്റി. ഭൗമശാസ്ത്ര മന്ത്രാലയത്തിലേക്കാണ് അദ്ദേഹത്തെ മാറ്റിയത്.
റിജിജുവിന് പകരം അർജുൻ റാം മേഘ്വാളിനെ കേന്ദ്ര നിയമമന്ത്രിയായി നിയമിച്ചു. പാർലമെന്ററി കാര്യങ്ങളുടെ ചുമതലയുള്ള സഹമന്ത്രി അർജുൻ റാം മേഘ്വാളിന് ഇനി നിയമ മന്ത്രാലയത്തിന്റെ സ്വതന്ത്ര ചുമതലയും ഉണ്ടായിരിക്കും. ഇത് കൂടാതെ നിയമവകുപ്പ് സഹമന്ത്രിയായിരുന്ന എസ്പി സിംഗ് ബാഘേലിനെയും സ്ഥാനത്ത് നിന്ന് മാറ്റി. ആരോഗ്യ കുടുംബക്ഷേമ വകുപ്പ് സഹമന്ത്രിയായി അദ്ദേഹത്തെ നിയമിച്ചിട്ടുണ്ട്.
പ്രധാനമന്ത്രി നരേന്ദ്ര മോദിക്കും ചീഫ് ജസ്റ്റിസ് ഡി വൈ ചന്ദ്രചൂഡിനും മറ്റ് ജഡ്ജിമാർക്കും അവരുടെ വലിയ പിന്തുണയ്ക്കും നന്ദി പറഞ്ഞുകൊണ്ട് റിജിജു ഒരു കുറിപ്പ് പങ്കുവെച്ചു.
It has been been a privelege and an honour to serve as Union Minister of Law & Justice under the guidance of Hon’ble PM Shri @narendramodi ji. I thank honble Chief Justice of India DY Chandrachud, all Judges of Supreme Court, Chief Justices and Judges of High Courts, Lower… pic.twitter.com/CSCT8Pzn1q
— Kiren Rijiju (मोदी का परिवार) (@KirenRijiju) May 18, 2023
”നമ്മുടെ പൗരന്മാർക്ക് നീതി ലഭ്യമാക്കുന്നതിനും നിയമസേവനങ്ങൾ ഉറപ്പാക്കുന്നതിനും വലിയ പിന്തുണ നൽകിയ ബഹുമാന്യനായ ചീഫ് ജസ്റ്റിസ് ഡി വൈ ചന്ദ്രചൂഡ്, സുപ്രീം കോടതിയിലെ എല്ലാ ജഡ്ജിമാർക്കും, ഹൈക്കോടതികളിലെ ചീഫ് ജസ്റ്റിസുമാർക്കും, ജഡ്ജിമാർക്കും, ലോവർ ജുഡീഷ്യറിക്കും, മുഴുവൻ നിയമ ഉദ്യോഗസ്ഥർക്കും ഞാൻ നന്ദി പറയുന്നു. പ്രധാനമന്ത്രി നരേന്ദ്ര മോദിയുടെ ആഗ്രഹം ഭൗമശാസ്ത്ര മന്ത്രാലയത്തിന് കീഴിൽ പ്രവർത്തിക്കുമെന്ന് അറിയിക്കുന്നു” അദ്ദേഹം കുറിച്ചു.
