മദ്യപിച്ച വിമാനത്തിനുള്ളിലെ ജീവനക്കാരോട് തട്ടിക്കയറുകയും കുഞ്ഞിനെ ഉപദ്രവിക്കുകയും ചെയ്ത ദമ്പതികൾക്കെതിരെ കേസ്. മാഞ്ചസ്റ്ററിൽ നിന്നും ക്രീറ്റിലേക്ക് പോവുകയായിരുന്ന വിമാനത്തിനുള്ളിലാണ് സംഭവം. 30കാരനായ കൈറൻ കുൻ ഭാര്യ ബെത്ത് ജോൺസ് എന്നിവർക്കെതിരെയാണ് കേസ്. ഇരുവരും മദ്യപിച്ച ശേഷം വിമാനത്തിനുള്ളിൽ കയറി പ്രശ്നമുണ്ടാക്കിയെന്നാണ് പരാതി.
വിമാനത്തിനുള്ളിൽ വച്ച് പ്രശ്നമുണ്ടാക്കിയ ശേഷം ഇവർ കുട്ടിയെ വിമാനത്തിൽ സീറ്റുകൾക്ക് താഴെയായി ഇരുത്തി. അലക്ഷ്യമായി കുഞ്ഞിനെ കുഞ്ഞിനെ കൈകാര്യം ചെയ്യുകയും ചെയ്തു. വിമാനത്തിന്റെ ഇടനാഴിയിൽ വീണ കുട്ടിയെ പരിചരിക്കാനും ഇവർ തയ്യാറായില്ല. കുട്ടിക്ക് കാര്യമായ പരിക്കുകൾ ഏറ്റിട്ടില്ലെന്നാണ് വിവരം. അതിന് ശേഷം വിമാന ജീവനക്കാരുടെ നേരെ പണം എറിഞ്ഞ ശേഷം ചൂടാവുകയായിരുന്നു.
ജീവനക്കാരെ അധിക്ഷേപിച്ചു എന്നതിനപ്പുറം കുട്ടിയെ നോക്കാൻ ഇവർ തയ്യാറായില്ല എന്നതാണ് പ്രശ്നമെന്ന് വിമാനത്തിലെ ജീവനക്കാരിലൊരാളായ ബ്രയാൻ വിൽസൺ കോടതിയിൽ പറഞ്ഞു. കുട്ടിയെ തങ്ങൾ എടുക്കാൻ നോക്കിയെങ്കിലും ഇവർ അനുവദിച്ചില്ലെന്നും, മനപൂർവ്വം പ്രശ്നങ്ങൾ ഉണ്ടാക്കുകയായിരുന്നുവെന്നും ഇവർ ആരോപിച്ചു.
Discussion about this post