ന്യൂഡൽഹി: കേന്ദ്രസർക്കാരിന്റെ ഒൻപതാം വാർഷികത്തിൽ വൈകാരിക പ്രതികരണവുമായി പ്രധാനമന്ത്രി നരേന്ദ്ര മോദി. ഈ നിമിഷം സന്തോഷം സന്തോഷം കൊണ്ട് ഉള്ള് നിറയുന്നുവെന്ന് പ്രധാനമന്ത്രി പറഞ്ഞു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
തങ്ങൾ രാജ്യസേവനത്തിന്റെ ഒൻപത് വർഷങ്ങൾ പൂർത്തിയാക്കിയിരിക്കുന്നു. ഈ നിമിഷം സന്തോഷം കൊണ്ട് ഉള്ള് നിറയുന്നു. ജനങ്ങളുടെ ജീവിത നിലവാരം ഉയർത്തുന്നതിന് വേണ്ടിയാണ് ഇതുവരെ സ്വീകരിച്ച ഓരോ തീരുമാനവും പ്രവർത്തിയും. വികസിത ഇന്ത്യയ്ക്കായുള്ള തങ്ങളുടെ കഠിനമായ പ്രവർത്തനങ്ങൾ തുടരുമെന്നും അദ്ദേഹം പറഞ്ഞു.
#9earsOfSeva എന്ന ഹാഷ് ടാഗോട് കൂടിയായിരുന്നു അദ്ദേഹത്തിന്റെ ട്വീറ്റ്.
മോദി സർക്കാരിന്റെ ഒൻപതാം വാർഷികത്തോട് അനുബന്ധിച്ച് വിപുലമായ പരിപാടികൾ ആണ് ബിജെപി പ്രവർത്തകർ രാജ്യവ്യാപകമായി സംഘടിപ്പിച്ചിരിക്കുന്നത്. വിവിധയിടങ്ങളിൽ റാലികളും സമ്മേളനങ്ങളും ആസൂത്രണം ചെയ്തിട്ടുണ്ട്. മധുര വിതരണവും ഉണ്ട്. സർക്കാരിന്റെ ഒൻപതാം വാർഷികാഘോഷത്തിന്റെ ഭാഗമായി ബുധനാഴ്ച രാജസ്ഥാനിലെ അജ്‌മേറിൽ നടക്കുന്ന റാലിയിൽ പ്രധാനമന്ത്രി രാജ്യത്തെ അഭിസംബോധന ചെയ്യും.
Discussion about this post