ലിജോ ജോസ് പെല്ലിശ്ശേരിയുടെ ഏറ്റവും പുതിയ ചിത്രമാണ് ഹോഹൻലാൽ നായകനാകുന്ന മലൈക്കോട്ടൈ വാലിബൻ. ചിത്രത്തിന്റെ ഷൂട്ട് അവസാനിച്ചുവെന്ന റിപ്പോർട്ടുകളാണ് ഇപ്പോൾ പുറത്തുവരുന്നത്. പാക്കപ്പ് ആഘോഷവേളയിൽ മോഹൻലാൽ സിനിമയെക്കുറിച്ച് പറഞ്ഞ വാക്കുകളാണ് ഇപ്പോൾ ശ്രദ്ധനേടുന്നത്.
”ലിജോ എന്താണെന്ന് നമ്മൾ പഠിച്ചുകൊണ്ടിരിക്കുന്നേ ഉള്ളൂ. നമ്മൾ എന്തിനാണ് ലിജോയെക്കുറിച്ച് അറിയുന്നത്? അദ്ദേഹം നമ്മളെക്കുറിച്ചാണ് അറിയേണ്ടത്. ഇത് അദ്ദേഹത്തിന്റെ മികച്ച സിനിമകളിൽ ഒന്നാകുമെന്ന് പ്രതീക്ഷിക്കുന്നു. സിനിമയുടെ ചിത്രീകരണത്തിനായി ഒപ്പം നിന്ന എല്ലാവർക്കും നന്ദി.”
”കാലാവസ്ഥ ഉൾപ്പെടെയുള്ള കാരങ്ങളാൽ വലിയ മാനസിക സമ്മർദ്ദമുണ്ടായി. എന്നാൽ നാം അതെല്ലാം മറികടന്ന് മികച്ച രീതിയിൽ മുന്നേറി. സിനിമ ഓടുന്ന കാര്യങ്ങളൊക്കെ പിന്നെയാണ്. ഇന്ത്യ സിനിമ ഇതുവരെ കണ്ടിട്ടില്ലാത്ത ഒന്നാം നമ്മളിപ്പോൾ സൃഷ്ടിച്ചിരിക്കുന്നത്. എന്നെ ഈ സിനിമയിലേക്ക് പരിഗണിച്ചതിന് നന്ദി”, മോഹൻലാൽ പറഞ്ഞു.
സിനിമയിൽ തങ്ങളെല്ലാവരും സന്തുഷ്ടരാണെന്ന് ലിജോ പ്രതികരിച്ചു. ” അൻപത്തിയഞ്ചു ദിവസത്തെ ചിത്രീകരണം പൂർത്തീകരിച്ചിരിക്കുകയാണ്. ഞങ്ങളെല്ലാവരും അതിൽ സന്തുഷ്ടരാണ്. ഈ ചിത്രം എല്ലാവർക്കും അഭിമാനിക്കാവുന്ന ഗംഭീര സിനിമയായി മാറട്ടെ, പ്രേക്ഷകരെല്ലാവരും ഇഷ്ടപ്പെടട്ടെ എന്നാഗ്രഹിച്ചുകൊണ്ട് പാക്കപ്പ്.”ലിജോ ജോസ് പെല്ലിശ്ശേരി പറഞ്ഞു.
രാജസ്ഥാൻ, ചെന്നൈ, പോണ്ടിച്ചേരി എന്നീ സ്ഥലങ്ങളിലാണ് സിനിമയുടെ ചിത്രീകരണം നടന്നത്. രാജസ്ഥാനിലായിരുന്നു സിനിമയുടെ ആദ്യ ഷെഡ്യൂൾ ചിത്രീകരിച്ചത്. രണ്ടാം ഷെഡ്യൂൾ ചെന്നൈയിലായിരുന്നു. ചെന്നൈയിലെ ഗോകുലം സ്റ്റുഡിയോസ് ആയിരുന്നു ലൊക്കേഷൻ. ക്രിസമസ് റിലീസ് ആയി ചിത്രം തിയറ്ററുകളിലെത്തുമെന്നാണ് റിപ്പോർട്ട്.
Discussion about this post