റിയാദ്: സൗദിയിൽ കുത്തേറ്റ് പ്രവാസി മലയാളി കൊല്ലപ്പെട്ടു. മോഷ്ടാക്കളുടെ കുത്തേറ്റ് തൃശൂർ പെരിങ്ങോട്ടുകര സ്വദേശി കാരിപ്പംകുളം അഷറഫ് (43) ആണ് മരിച്ചത്. സൗദി സ്വദേശിയുടെ വീട്ടിൽ ഡ്രൈവറായി ജോലി ചെയ്ത് വരികയായിരുന്നു.
റിയാദ് എക്‌സിറ്റ് നാലിലുള്ള പാർക്കിൽ വിശ്രമിക്കുന്നതിനിടെ ആണ് മോഷ്ടാക്കൾ ആക്രമിച്ചത്. പരിക്കേറ്റ അഷ്‌റഫിനെ സൗദി ജർമൻ ആശുപത്രിയിലാണ് പ്രവേശിപ്പിച്ചത്. ഇന്ന് പുലർച്ചെ മരണം സംഭവിക്കുകയായിരുന്നു.നേരത്തെ മൂന്ന് വർഷത്തോളം സൗദിയിലുണ്ടായിരുന്ന ഇദ്ദേഹം ജോലി ഒഴിവാക്കി നാട്ടിൽ പോയിരുന്നു. ശേഷം ഒരു വർഷം മുമ്പാണ് പുതിയ വിസയിലെത്തിയത്. ഇന്ത്യൻ കൾച്ചറൽ ഫൗണ്ടേഷൻ ഉമ്മുൽ ഹമാം കമ്മിറ്റി അംഗമായിരുന്നു അഷ്റഫ്.
പിതാവ്: ഇസ്മയിൽ. മാതാവ്: സുഹറ, ഭാര്യ: ഷഹാന. സഹോദരങ്ങൾ: ഷനാബ് (ദുബായ്), ശബാന.നടപടികൾ പൂർത്തിയാക്കി മൃതദേഹം റിയാദിൽ ഖബറടക്കുമെന്ന് ദമാമിലുള്ള ഇദ്ദേഹത്തിന്റെ സഹോദരി ഭർത്താവ് അബ്ദുൽ റസാഖ് അറിയിച്ചു.
Discussion about this post