കൊച്ചി: ലിംഗസമത്വം സാധ്യമാവില്ലെന്നും, പുരുഷനാണ് ലോകത്തെ നിയന്ത്രിക്കുന്നതെന്നുമുള്ള ഇസ്ലാമിക പണ്ഡിതന് കാന്തപുരം എപി അബൂബക്കര് മുസ്ല്യാരുടെ പ്രസ്താവന അദ്ദേഹത്തിന്റെ യാഥാസ്ഥിതിക നിലപാടില് നിന്നുണ്ടായതാണെന്ന് മാധ്യമനിരീക്ഷകനും, എഴുത്തുകാരനുമായ അഡ്വക്കറ്റ് ജയശങ്കര് പറഞ്ഞു.
കാന്തപുരം നിഷ്കളങ്കനാണ്. അദ്ദേഹത്തിന്റെ മനസ്സിലുള്ളത് അദ്ദേഹം തുറന്ന് പറയുന്നു. മറ്റുള്ളവര് രഹസ്യമായി പറയുന്ന കാര്യങ്ങള് കാന്തപുരം പരസ്യമായി പറയുന്നുവെന്ന് മാത്രമേ വ്യത്യാസമുള്ളു എന്നും ജയശങ്കര് പറഞ്ഞു.
ഖുറാന് അനുസരിച്ചുള്ള വ്യാഖ്യാനമാണ് കാന്തപുരം നടത്തുന്നത്. മറ്റുള്ളവര് ആധുനികതയുമായി ബന്ധപ്പെടുത്തി ഖുറാനെ വ്യാഖ്യാനിക്കുന്നു എന്ന വ്യത്യാസം മാത്രമേ ഉള്ളു എന്നും അഡ്വക്കറ്റ് ജയശങ്കര് പറഞ്ഞു.
അതേസമയം ഖുറാനില് പുരുഷ മേധാവിത്വത്തെ എതിര്ക്കുന്ന നിരവധി സന്ദര്ഭങ്ങളുണ്ടെന്ന് മാധ്യമപ്രവര്ത്തകനായ ഒ അബ്ദുള്ള പറഞ്ഞു.
Discussion about this post