എറണാകുളം: സംസ്ഥാനത്ത് സ്വർണ വില തുടർച്ചയായി കുറയുന്നു. ഇന്ന് പവന് 320 രൂപയാണ് കുറവുണ്ടായി. നിലവിൽ സ്വർണം പവന് 43,280 രൂപയെന്ന നിരക്കിലാണ് വ്യാപാരം പുരോഗമിക്കുന്നത്.
ഗ്രാമിന് 40 രൂപയുടെ കുറവാണ് ഇന്ന് ഉണ്ടായിരിക്കുന്നത്. ഇതോടെ സ്വർണം ഗ്രാമിന് 5,410 രൂപയായി. ഈ മാസത്തെ ഏറ്റവും കുറഞ്ഞ നിരക്കാണ് ഇത്. ഇന്നലെ 5,450 രൂപയായിരുന്നു ഒരു ഗ്രാം സ്വർണത്തിന്റെ വില.
കഴിഞ്ഞ ഏതാനും ദിവസങ്ങളായി സ്വർണ വിലയിൽ തുടർച്ചയായ ഇടിവാണ് രേഖപ്പെടുത്തുന്നത്. ജൂൺ 16 നായിരുന്നു ഇതിന് മുൻപ് സ്വർണ വില ഉയർന്നത്. ഇതിന് ശേഷമുള്ള രണ്ട് ദിവസവും സ്വർണ വില മാറ്റമില്ലാതെ തുടർന്നു. ഇതിന് ശേഷം തുടർച്ചയായ ഇടിവ് രേഖപ്പെടുത്തുകയായിരുന്നു. വരും ദിവസങ്ങളിലും ഈ നില തുടരുമെന്നാണ് വിവരം.
അതേസമയം സ്വർണ വില കുറയുന്നത് പരമാവധി പ്രയോജനപ്പെടുത്തുകയാണ് ഉപഭോക്താക്കൾ. കഴിഞ്ഞ മാസം തുടർച്ചയായ വർദ്ധനവിലൂടെ സ്വർണവില സർവ്വകാല റെക്കോർഡിൽ എത്തിയിരുന്നു. ഇവിടെ നിന്നുമാണ് വില തുടർച്ചയായി ഇറങ്ങുന്നത്. വില കുറയുന്ന സാഹചര്യത്തിൽ സ്വർണക്കടകളിൽ വലിയ തിരക്ക് അനുഭവപ്പെടുന്നുണ്ട്.
Discussion about this post