അമരാവതി: വർഷങ്ങളുടെ കാത്തിരിപ്പിന് ശേഷമാണ് തെന്നിന്ത്യൻ സൂപ്പർ താരം രാം ചരണിനും പ്രിയതമ ഉപാസനയ്ക്കും കുഞ്ഞ് പിറന്നത്. വലിയ രാജകീയ വരവേൽപ്പായിരുന്നു രാംചരണിന്റെ കുടുംബം കുഞ്ഞിന് നൽകിയത്. കേവലം 11 ദിവസം പ്രായമുള്ള കുഞ്ഞിന് അംബാനി കുടുംബം നൽകിയ സമ്മാനമാണ് ഇപ്പോൾ ചർച്ചയാകുന്നത്.
കോടികൾ വിലമതിയ്ക്കുന്ന സ്വർണം കൊണ്ടുള്ള തൊട്ടിലാണ് അംബാനി കുടുംബത്തിന്റെ സ്നേഹ സമ്മാനം.ചിരഞ്ജീവിയുടെ കുടുംബവുമായി വളരെ അടുത്ത ബന്ധമാണ് മുകേഷ് അംബാനിക്കുള്ളത്. അത് കൊണ്ട് തന്നെയാണ് വീട്ടിലെ രാജകുമാരിക്ക് വിലയേറിയ സമ്മാനം നൽകിയതെന്നാണ് ആരാധകർ പറയുന്നത്.
ഇന്നാണ് കുട്ടിയുടെ പേരിടൽ ചടങ്ങ് നടക്കുക. ബന്ധുക്കളും സുഹൃത്തുക്കളും സിനിമ താരങ്ങളും പങ്കെടുക്കുന്ന ചടങ്ങ് ആചാരപ്രകാരം ഉപാസനയുടെ അമ്മയുടെ വീട്ടിൽവച്ചാണ് നടത്തുന്നത്. ജൂൺ 20-നായിരുന്നു രാം ചരണിനും ഉപാസനയ്ക്കും പെൺകുഞ്ഞ് പിറന്നത്. മുത്തച്ഛൻ ചിരഞ്ജീവി മുതൽ അല്ലു അർജുൻ വരെ ആശുപത്രിയിലെത്തി കുട്ടിയെ സ്വീകരിച്ചിരുന്നു. ‘മെഗ പ്രിൻസസ്’ എന്നാണ് മെഗസ്റ്റാർ ചിരഞ്ജീവി തന്റെ കൊച്ചുമകളെ ആദ്യമായി വിളിച്ചത്. ആർആർആർ ഗായകൻ കാലഭൈരവ കുട്ടിക്കായി പ്രത്യേകം ഒരു ട്യൂൺ തന്നെ കംപോസ് ചെയ്തിരുന്നു.
Discussion about this post