ലോബോർഗിനി ഉറുസിനും റേഞ്ച് റോവറിനും ശേഷം
ബിഎംഡബ്ല്യുവിന്റെ അത്യാഡംബര സെഡാൻ 740 ഐ സ്വന്തമാക്കിയിരിക്കുകയാണ് താരദമ്പതികളായ ഫഹദ് ഫാസിലും നസ്രിയ നസീമും. കൊച്ചിയിലെ ബിഎംഡബ്ല്യുവിന്റെ വിതരണക്കാരായ ഇവിഎം ഓട്ടോക്രാഫ്റ്റിൽ നിന്നാണ് പുതിയ വാഹനം സ്വന്തമാക്കിയത്.
ബി എംഡബ്ല്യു 7 സീരിസിന്റെ പുതിയ മോഡൽ ഈ വർഷം ആദ്യമാണ് ഇന്ത്യയിൽ എത്തുന്നത്. മൂന്നു ലിറ്റർ ഇൻലൈൻ 6 സിലിണ്ടർ പെട്രോൾ എഞ്ചിൻ ആണ് ഈ വാഹനത്തിനുള്ളത്.
ലിറ്ററിന് 12.61 കിലോമീറ്റർ മൈലേജ് നൽകുന്നു. BMW 7 സീരീസ് 740i ഓട്ടോമാറ്റിക് (TC) ട്രാൻസ്മിഷനിൽ ലഭ്യമാണ്. കൂടാതെ 7 നിറങ്ങളിലും ഈ കാർ ലഭ്യമാണ്. 380 ബിഎച്ച്പി കരുത്തും 520 എൻഎം ടോർക്കുമുണ്ട്. 48V ഇലക്ട്രിക് മോട്ടറും വാഹനത്തിലുണ്ട്. 18 എച്ച്പിയാണ് മോട്ടോറിന്റെ കരുത്ത്. വേഗത നൂറു കടക്കാൻ വെറും 5.4 സെക്കന്റ് മാത്രം ആവശ്യമുള്ള വാഹനത്തിന്റെ ഉയർന്ന വേഗം മണിക്കൂറിൽ 250 കിലോമീറ്ററാണ്.
