ലക്നൗ; ഇന്ത്യയുടെ സംസ്കാരത്തെ പൂർണമായും ഹൃദയത്തിൽ സ്വീകരിക്കുന്നതായി പബ്ജി പ്രണയകഥയിലെ പാക് വനിത. തന്റെ ഭർത്താവ് ഇന്ത്യക്കാരനും ഹിന്ദുവാണെന്നും താനും മക്കളും ഹിന്ദുമതം സ്വീകരിച്ചുവെന്നും സീമ ഹൈദർ പറഞ്ഞു.
ഹിന്ദുമതം സ്വീകരിച്ച താൻ വെള്ളുത്തുള്ളി കഴിക്കാത്ത തന്റെ ഭർത്താവിന്റെ കുടുംബത്തെ പോലെ സസ്യാഹാര ജീവിതശൈലി സ്വീകരിക്കുകയും ചെയ്തായി യുവതി പറഞ്ഞു. ആളുകളോടെ കൂപ്പുകൈകളോടെ അഭിവാദ്യം ചെയ്യുക, അനുഗ്രഹത്തിനായി പാദങ്ങളിൽ സ്പർശിക്കുക,ദൈവത്തോട് പ്രാർത്ഥിക്കുക എന്നിവ താൻ ഇപ്പോൾ പിന്തുടരുന്നതായി സീമ കൂട്ടിച്ചേർത്തു.
2019 ലാണ് പബ്ജി ഗെയിമിനിടെയുള്ള പ്രണയ കഥ ആരംഭിച്ചത്. കാമുകനൊപ്പം ജീവിക്കാനായി നേപ്പാൾ വഴി അനധികൃതമായി ഇന്ത്യയിലെത്തിയ സീമ സച്ചിനൊപ്പം ജീവിതം ആരംഭിച്ചിരുന്നു. ഗ്രേറ്റർ നോയിഡയിലെ റാബുപുരയിലെ വാടക വീട്ടിൽ നിന്ന് ജൂലൈ നാലിനാണ് സീമ ഹൈദറിനെ അറസ്റ്റ് ചെയ്യുന്നത്. ആവശ്യമായ രേഖകൾ കൂടാതെ രാജ്യത്തേക്ക് കടന്നു കയറിയതിന് സീമയേയും സഹായിച്ചതിന് സച്ചിനെയും പോലീസ് അറസ്റ്റ് ചെയ്യുകയായിരുന്നു. വെള്ളിയാഴ്ചയാണ് ഇവർ ജാമ്യം ലഭിച്ച് പുറത്തിറങ്ങുന്നത്. സീമയ്ക്കൊപ്പം ഇന്ത്യയിലെത്തിയ നാല് മക്കൾക്കും പാകിസ്താനിലേക്ക് പോകണമെന്ന ആഗ്രഹമില്ലെന്നാണ് പ്രതികരണം.
ഗാർഹിക പീഡനം അടക്കം രൂക്ഷമായ ആരോപണങ്ങളാണ് സീമ ആദ്യ ഭർത്താവ് ഗുലാമിനെതിരെ നടത്തിയിരിക്കുന്നത്. മുഖത്ത് മുളക് പൊടി ഇടുന്നതടക്കമുള്ള ക്രൂരതയാണ് ഗുലാം തന്നോട് ചെയ്തതെന്നാണ് സീമ പറയുന്നത്. എന്നാൽ തന്റെ ഭാര്യയെ തിരികെ അയക്കണമെന്ന ആവശ്യം ഗുലാം ഉയർത്തിയിട്ടുണ്ട്.
Discussion about this post