ഇസ്ലാമാബാദ്: തങ്ങൾക്ക് കടം നൽകി സഹായിച്ച സൗദിക്ക് നന്ദിയറിയിച്ച് പാകിസ്താൻ പ്രധാനമന്ത്രി ഷെഹ്ബാസ് ഷെരീഫ്. ട്വിറ്ററിലൂടെയായിരുന്നു പ്രതികരണം. സൗദി അറേബ്യ രണ്ട് ബില്യണാണ് പാകിസ്താന് നൽകിയത്. സ്റ്റേറ്റ് ബാങ്ക് ഓഫ് പാകിസ്താൻ പണം സ്വീകരിച്ചതായി പാകിസ്താൻ ധനകാര്യമന്ത്രി ഇഷക് ദാർ അറിയിച്ചു.
‘പാകിസ്താന് സാമ്പത്തിക സഹായം നൽകിയ എന്റെ സഹോദരൻ, സൗദി കിരീടവകാശിയും പ്രധാനമന്ത്രിയുമായ മുഹമ്മദ് ബിൻ സൽമാന് ഞാൻ നന്ദി അറിയിക്കുന്നു’ എന്ന് പാക് പ്രധാനമന്ത്രി കുറിച്ചു. ഈ നിക്ഷേപം പാകിസ്താന്റെ വിദേശനാണ്യ ശേഖരത്തിന് ആശ്വാസമാകും.
പാകിസ്താന്റെ സാമ്പത്തിക വഴിത്തിരിവിൽ തങ്ങളുടെ സഹോദര രാജ്യങ്ങളുടെയും അന്താരാഷ്ട്ര സമൂഹത്തിന്റെയും വർദ്ധിച്ചുവരുന്ന ആത്മവിശ്വാസത്തെ ഇത് നല്ല രീതിയിൽ സ്വാധീനിക്കുമെന്ന് ഷെരിഫ് കൂട്ടിച്ചേർത്തു. ജൂൺ അവസാനത്തോടെ, ഇസ്ലാമാബാദിൽ ഉണ്ടായ വർഗ്ഗീയ കലാപത്തിൽ ഇന്റർനാഷണൽ മോണിറ്ററി ഫണ്ടിൽ നിന്നും 3 ബില്യണോളം പാകിസ്താന് നൽകിയിരുന്നു.
