തിരുവനന്തപുരം: കെഎസ്ആർടിസിയിൽ പ്രതിസന്ധി രൂക്ഷമായിരിക്കെ, നിലവിലെ സ്ഥിതിഗതികൾ വിശദീകരിക്കാൻ ഒരുങ്ങി സിഎംഡി ബിജു പ്രഭാകർ. തന്നെ കെഎസ്ആർടിസി എംഡി സ്ഥാനത്ത് നിന്ന് മാറ്റണമെന്നാവശ്യപ്പെട്ട് ചീഫ് സെക്രട്ടറിയെ കണ്ടതിന് പിന്നാലെയാണ് ഫേസ്ബുക്ക് ലൈവിലൂടെ സത്യാവസ്ഥ പുറത്തുവിടുമെന്ന് അറിയിച്ചത്.
ഇന്ന് വൈകിട്ട് ആറ് മണിക്ക് ഫേസ്ബുക്ക് ലൈവിൽ വരും. ഫേസ്ബുക്ക്, യൂട്യൂബ് എന്നിവിടങ്ങളിലൂടെയാണ് ബിജു പ്രഭാകർ പ്രതികരിക്കുന്നത്. അഞ്ച് എപ്പിസോഡുകളിലായാണ് ബിജു പ്രഭാകറിൻറെ പ്രതികരണം വരുന്നത്.
വിവിധ എപ്പിസോഡുകളിലായി ജീവനക്കാരുടെ ശമ്പളം വൈകുന്നതിൻറെ യഥാർത്ഥ കാരണം? എന്താണ് കെഎസ്ആർടിസി സ്വിഫ്റ്റ്? സ്വിഫ്റ്റ് കെഎസ്ആർടിസിയുടെ അന്തകനാണോ? റീസ്ട്രക്ചർ 2.0 എന്നീ കാര്യങ്ങളെക്കുറിച്ച് ബിജു പ്രഭാകർ സംസാരിക്കും.
അതേസമയം കെഎസ്ആർടിസി പ്രത്യേകം എംഡിയെ നിയോഗിക്കുന്നതാകും ഉചിതമെന്ന് ബിജു പ്രഭാകർ പറഞ്ഞു.ശമ്പളം വൈകുന്നതിൽ പ്രതിഷേധിച്ച് വീട്ടിലേക്ക് തൊഴിലാളികൾ മാർച്ച് നടത്തിയതിന് പിന്നാലെയാണ് എംഡി സ്ഥാനത്ത് നിന്ന് മാറ്റണമെന്ന ആവശ്യവുമായി അദ്ദേഹം സർക്കാരിന് മുന്നിലേക്ക് എത്തിയത്.
Discussion about this post