എറണാകുളം: സംസ്ഥാനത്ത് സ്വർണ വിലയിൽ കുറവ്. പവന് 240 രൂപയുടെ കുറവാണ് ഉണ്ടായിരിക്കുന്നത്. ഇതോടെ സംസ്ഥാനത്ത് ഒരു പവൻ സ്വർണത്തിന് വില 44,320 രൂപയായി. ഇന്നലെ സ്വർണ വില വർദ്ധിച്ചിരുന്നു. ഇതിന് പിന്നാലെയാണ് ഇന്ന് ഇടിവുണ്ടാകുന്നത്.
സ്വർണം ഗ്രാമിന് ഇന്ന് 30 രൂപയാണ് കുറഞ്ഞത്. നിലവിൽ ഒരു ഗ്രാം സ്വർണത്തിന് 5,540 രൂപ നിരക്കിലാണ് വ്യാപാരം പുരോഗമിക്കുന്നത്. ഈ മാസം സ്വർണ വിലയിൽ തുടർച്ചയായി കയറ്റിറക്കങ്ങൾ ആണ് ഉണ്ടാകുന്നത്.
ഇന്നലെ ഈ മാസത്തെ ഏറ്റവും ഉയർന്ന നിരക്കിലായിരുന്നു സ്വർണ വില. 44,560 രൂപയായിരുന്നു ഇന്നലെ ഒരു പവൻ സ്വർണത്തിന് ഉണ്ടായിരുന്നത്. ഇന്നലെ 80 രൂപയാണ് പവന് ഉയർന്നിരുന്നത്. വരും ദിവസങ്ങളിൽ സ്വർണ വിലയിൽ വർദ്ധനവും കുറവും ഒരു പോലെ പ്രതീക്ഷിക്കുന്നുണ്ട്.
ജൂൺ മാസത്തിൽ സ്വർണ വിലയിൽ തുടർച്ചയായ ഇടിവ് ആയിരുന്നു അനുഭവപ്പെട്ടിരുന്നത്. ഇതേ തുടർന്ന് സ്വർണം പവന് 43,000 രൂപയിലേക്ക് താഴ്ന്നിരുന്നു. എന്നാൽ പിന്നീട് വില വർദ്ധിക്കുകയായിരുന്നു. ഈ മാസം മൂന്നിനായിരുന്നു ഏറ്റവും കുറഞ്ഞ വിലയിൽ സ്വർണ വ്യാപാരം നടന്നത്.
Discussion about this post