ന്യൂഡൽഹി: jരാഹുൽ ഗാന്ധിയുടെ ഫ്ളൈയിങ് കിസ് വിവാദം ന്യായീകരിക്കാൻ ശ്രമിച്ച് വെട്ടിലായി കോൺഗ്രസ് എംഎൽഎ. രാഹുലിന്റെ അശ്ലീല പ്രവർത്തിയെ ന്യായീകരിക്കുന്നതിനിടെ പറഞ്ഞ സ്ത്രീവിരുദ്ധ വാക്കുകൾ ബിഹാറിൽ നിന്നുള്ള കോൺഗ്രസ് എംഎൽഎയ്ക്കാണ് വിനയായത്.
കോൺഗ്രസ് നേതാവ് രാഹുൽ ഗാന്ധിക്ക് പെൺകുട്ടികളെ കിട്ടാൻ ബുദ്ധിമുട്ടില്ലെന്നും നിരവധി ചെറുപ്പക്കാരികളായ പെൺകുട്ടികളുള്ളപ്പോൾ രാഹുലെന്തിന് 50 വയസുള്ളവർക്ക് ഫ്ളൈയിങ് കിസ് കൊടുക്കണമെന്നും നീതു ചോദിച്ചു.
ഞങ്ങളുടെ നേതാവ് രാഹുലിന്റെ സംബന്ധിച്ചിടത്തോളം പെൺകുട്ടികൾക്ക് ക്ഷാമമൊന്നുമില്ല. അദ്ദേഹത്തിന് ഫ്ളൈയിങ് കിസ് കൊടുക്കണമെങ്കിൽ തന്നെ ചെറുപ്പക്കാരികളായ പെൺകുട്ടികൾക്ക് കൊടുത്താൽ പോരെ. 50 കഴിഞ്ഞവർക്ക് കൊടുക്കേണ്ട കാര്യമെന്താണ്. ഇപ്പോൾ ഉയർത്തുന്ന ആരോപണങ്ങളെല്ലാം അടിസ്ഥാനരഹിതമാണെന്നായിരുന്നു പ്രസ്താവന.
രാഹുലിന് ബുദ്ധിമുട്ടില്ലാതെ യുവതികളെ കണ്ടെത്താൻ കഴിയുന്ന സാഹചര്യത്തിൽ എന്തിനാണ് ഒരു അമ്പത് വയസുകാരിക്ക് ഫ്ളൈയിംഗ് കിസ് കൊടുക്കുന്നതെന്ന പ്രസ്താവന സ്ത്രീവിരുദ്ധമാണെന്ന് ബിജെപി ആരോപിച്ചു. വീഡിയോ സമൂഹമാദ്ധ്യമങ്ങളിലൂടെ പുറത്ത് വന്നതോടെ നിരവധി പേരാണ് രംഗത്തെത്തിയത്.
Discussion about this post