ശ്രീനഗര്‍ : കശ്മീരി പണ്ഡിറ്റുകളെ ദ്രോഹിക്കാന്‍ നാഷണല്‍ കോണ്‍ഫറന്‍സ് പ്രസിഡന്റ് ഫാറൂഖ് അബ്ദുള്ളയും പിഡിപി നേതാവുമായ മെഹബൂബ മുഫ്തിയും പാകിസ്താന്റെ ഐഎസ്‌ഐയുമായി ചേര്‍ന്ന് പ്രവര്‍ത്തിച്ചെന്ന് ബിജെപി ദേശീയ ജനറല്‍ സെക്രട്ടറി തരുണ്‍ ചുഗ്. 1989 മുതല്‍ ഇവര്‍ കശ്മീരി പണ്ഡിറ്റുകളെ ഉപദ്രവിക്കാന്‍ ശ്രമിക്കുകയാണ്. പണ്ഡിറ്റുകളെ കൂട്ടക്കൊല ചെയ്യാനും താഴ്വരയില് നിന്ന് ഓടിക്കാനും പാകിസ്താന്‍ ഐഎസ്‌ഐയുമായി ഇവര്‍ സഹകരിച്ചുമെവന്നും ചുഗ് പറയുന്നു.
പണ്ഡിറ്റുകളെ സംരക്ഷിക്കാന്‍ തന്റെ സര്‍ക്കാര്‍ ആത്മാര്‍ഥമായി ശ്രമിച്ചുവെന്ന ഫാറൂഖ് അബ്ദുള്ളയുടെ വാദം വെറും നുണകളുടെ കൂമ്പാരമായിരുന്നു. വാസ്തവത്തില്‍ പാവപ്പെട്ട പണ്ഡിറ്റുകളെ അതി ക്രൂരമായി കൊല്ലാനും സ്ത്രീകളെ മാനഭംഗപ്പെടുത്താനും പിന്നീട് താഴ്വരയില് നിന്ന് ഓടിക്കാനുമുള്ള ഗൂഢാലോചനയില്‍ പ്രധാനിയാണ് ഫാറൂഖ് അബ്ദുള്ള. അബ്ദുള്ളയുടെയും മുഫ്തിയുടെയും രാജ്യവിരുദ്ധ രാഷ്ട്രീയമാണ് ജമ്മു കശ്മീരിനെ തകര്‍ച്ചയിലേക്ക് എത്തിച്ചതെന്നും ചുഗ് ചൂണ്ടിക്കാട്ടി.
പ്രധാനമന്ത്രി നരേന്ദ്ര മോദി ആര്‍ട്ടിക്കിള്‍ 370 റദ്ദാക്കിയതിന് ജമ്മു കശ്മീരിന് നവയുഗമാണ്. അവിടുത്തെ ജനങ്ങള്‍ ശാന്തിയുടെയും വികസനത്തിന്റെയും പുരോഗതിയുടെയും കാലത്തിലൂടെയാണിപ്പോള്‍ ജീവിതം നയിക്കുന്നുത്. കല്ലേറുകളേ പറ്റിയും കര്‍ഫ്യൂകളെ പറ്റിയും അവരിപ്പോള്‍ സംസാരിക്കാറില്ല മറിച്ച് വികസനത്തിന്റെയും പുരോഗതിയുടെയും ചര്‍ച്ചകളാണ് എവിടെയും. കശ്മീരില്‍ അക്രമരാഷ്ട്രീയം കൊണ്ട് വരാനാണ് അബ്ദുള്ളയും മുഫ്തിയും ശ്രമിക്കുന്നത്. എന്നാല്‍ ജനങ്ങള്‍ ഇനി അതിന് വില കല്‍പ്പിക്കില്ല. അവരുടെ ദുഷിച്ച രാഷ്ടീയ അജന്‍ഡകള്‍ ജനങ്ങള്‍ തിരിച്ചറിഞ്ഞതായും തരുണ്‍ ചുഗ് കൂട്ടിച്ചേര്‍ത്തു.
