കൊച്ചി: മലയാളികളുടെ പ്രിയനടനാണ് ബാല. ഗുരുതരമായ കരൾ രോഗം ബാധിച്ചതിനെ തുടർന്ന് കരൾമാറ്റ ശസ്ത്രക്രിയ്ക്ക് വിധേയനായത് അടുത്തിടെയാണ്. ദീർഘകാലത്തെ ചികിത്സ നടത്തിയെങ്കിലും കരൾമാറ്റ ശസ്ത്രക്രിയ ആണ് ജീവിതം തിരികെ നൽകിയത്. ബാലയ്ക്ക് കരൾ വേണമെന്ന് അറിഞ്ഞ് നിരവധി പേർ മുന്നോട്ട് വന്നെങ്കിലും ദാതാവിനെ പരിശോധനയിലൂടെ കണ്ടെത്തുകയായിരുന്നു.
ഇപ്പോഴിതാ തനിക്ക് കരൾ പകുത്ത് നൽകിയ ആളെ ലോകത്തിന് മുമ്പിൽ പരിചയപ്പെടുത്തിയിരിക്കുകയാണ് ബാലയിപ്പോൾ. ഫിലിം ആർട്ടിസ്റ്റ് എംപ്ലോയീസ് യൂണിയന്റെ ഒരു ചടങ്ങിലാണ് ബാല തനിക്ക് കരൾ ദാനം ചെയ്ത ജോസഫ് എന്ന വ്യക്തിയെ പരിചയപ്പെടുത്തിയത്.
എനിക്ക് കരൾ തന്നത് ജോസഫാണ്. ഞാൻ പോയാലും എന്റെ ചേട്ടൻ ജീവനോടെ ഉണ്ടാവണമെന്നാണ് ശസ്ത്രക്രിയക്ക് വിധേയനാകും മുൻപ് ജോസഫ് ഡോക്ടറോട് പറഞ്ഞത്. ബാല ചേട്ടൻ ജീവിച്ചിരുന്നാൽ ഒരുപാട് ആളുകൾ രക്ഷപ്പെടുമെന്നും അന്ന് ജോസഫ് ഡോക്ടർമാരോട് പറഞ്ഞതായി പിന്നീട് ഞാൻ അറിഞ്ഞു.’, ജോസഫിനെ പരിചയപ്പെടുത്തിക്കൊണ്ട് ബാല പറഞ്ഞു.
തനിക്ക് കരൾ തന്ന വ്യക്തിയുമായും അദ്ദേഹത്തിന്റെ കുടുംബവുമായും ഇപ്പോൾ ബാലയ്ക്ക് അടുത്ത സൗഹൃദമാണുള്ളത്.
Discussion about this post