റിയാദ് : കുവൈത്തില് നിന്ന് സൗദിയില് വിനോദയാത്രയ്ക്ക് എത്തിയ ഇന്ത്യന് കുടുംബം വാഹനാപകടത്തില് മരിച്ചു. വെള്ളിയാഴ്ച പുലര്ച്ചെ ആറിന് റിയാദിനടുത്ത് തുമാമയില് ഹഫ്ന – തുവൈഖ് റോഡില് വച്ച് ഇവര് സഞ്ചരിച്ചിരുന്ന കാറും സൗദി പൗരന് ഓടിച്ച ട്രെയിലറും തമ്മില് കൂട്ടിയിടിച്ച് തീപിടിക്കുകയായിരുന്നു. കാര് പൂര്ണമായും കത്തി നശിച്ചു.
ഇന്ത്യക്കാരായ ഗൗസ് ദാന്തു (35), ഭാര്യ തബ്റാക് സര്വര് (31), മക്കളായ മുഹമ്മദ് ദാമില് ഗൗസ് (2), മുഹമ്മദ് ഈഹാന് ഗൗസ് (4) എന്നിവരാണ് മരിച്ചത്. ഗൗസ് ദാന്തുവിന് കുവൈത്ത് ഇഖാമയുണ്ട്.
എന്നാല് അപകടത്തെ കുറിച്ച് മറ്റു വിവരങ്ങള് ലഭ്യമല്ല. കുവൈത്തില് നിന്ന് സൗദിയിലേക്ക് ടൂറിസ്റ്റ് വീസയില് വന്നവരാണിവര്. മൃതദേഹങ്ങള് റിയാദില്നിന്ന് 100 കിലോമീറ്ററകലെ റുമാ ജനറല് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. ഇവര്ക്കായി നാട്ടില് നിന്നോ കുവൈത്തില് നിന്നോ ആരും തങ്ങളെ ബന്ധപ്പെട്ടിട്ടില്ലെന്ന് സൗദി അധികൃതര് അറിയിച്ചു.
Discussion about this post