തിരുവനന്തപുരം: സംസ്ഥാനത്ത് വീണ്ടും 44,000 എത്തി സ്വർണ വില. ഇന്നും വില വർദ്ധിച്ചതോടെയായിരുന്നു പവന് വില 44,000 എത്തിയത്. 240 രൂപയാണ് പവന് ഇന്ന് വർദ്ധിച്ചത്.
നിലവിൽ ഒരു ഗ്രാം 22 കാരറ്റ് സ്വർണത്തിന് 5,500 രൂപയാണ് വിപണി വില. 18 കാരറ്റ് സ്വർണത്തിന്റെ വിലയിലും വർദ്ധനവ് ഉണ്ടായിട്ടുണ്ട്. 4558 രൂപയാണ് ഒരു ഗ്രാം 18 കാരറ്റ് സ്വർണത്തിന്റെ വില.
തുടർച്ചയായി താഴ്ന്ന് സ്വർണ വില 43,000 എത്തിയിരുന്നു. ഇതിന് ശേഷമാണ് വീണ്ടും ഉയരാൻ ആരംഭിച്ചത്. ഉത്സവകാലമായതിനാൽ ആവശ്യക്കാർ ഏറിയതാണ് സ്വർണവിലയിലെ വർദ്ധനവിന് കാരണം എന്നാണ് സൂചന. ഓഗസ്റ്റ് ഒന്നിനാണ് ഈ മാസത്തെ ഏറ്റവും ഉയർന്ന സ്വർണവില രേഖപ്പെടുത്തിയത്. 44,320 രൂപയായിരുന്നു ഒരു പവൻ സ്വർണത്തിന്റെ വില.
അതേസമയം ഹാൾമാർക്ക് വെള്ളിയുടെ വിലയിൽ മാറ്റമില്ല. 10 രൂപയാണ് ഒരു ഗ്രാം ഹാൾമാർക്ക് വെള്ളിയുടെ വില. ഒരു ഗ്രാം സാധാരണ വെളളിയ്ക്ക് 18 രൂപയാണ് വിപണി വില.
Discussion about this post