പ്രമുഖ നടി മീരാ നന്ദന് വിവാഹിതയാകുന്നു. വിവാഹ നിശ്ചയത്തിന്റെ ചിത്രങ്ങള് താരം തന്നെയാണ് തന്റെ ഇന്സ്റ്റഗ്രാം അക്കൗണ്ട് വഴി പുറത്ത് വിട്ടത്. ലണ്ടനില് നിന്നുള്ള ശ്രീജുവാണ് വരന്. ‘ഫോര് ലൈഫ്’ എന്ന അടിക്കുറിപ്പോടെയാണ് നടി ഇരുവരുമൊന്നിച്ചുള്ള ചിത്രങ്ങള് പങ്ക് വച്ചത്.
വിവാഹ നിശ്ചയത്തിന്റെ ഫോട്ടാഗ്രാഫി നിര്വ്വഹിച്ച ലൈറ്റ്സ് ഓണ് ക്രിയേഷന്സിന്റെ ഇന്സ്റ്റഗ്രാം പേജില് ഇരുവരും വിവാഹത്തിലേക്ക് എത്തിപ്പെട്ടത് എങ്ങനെയെന്ന് പങ്ക് വച്ചിട്ടുണ്ട്. ‘ ഒരു മാട്രിമോണി സൈറ്റില് നിന്നാണ് ഇരുവരും പരിചയപ്പെട്ടതും ഒന്നിച്ചൊരു ജീവിതത്തിലേക്ക് കടക്കാന് തീരുമാനിക്കുന്നതും. ഇരു കുടുംബവും പരസ്പരം സംസാരിച്ചതിന് ശേഷം മീരയെ കാണാന് ശ്രീജു ലണ്ടനില് നിന്ന് ദുബൈയിലേക്ക് പറക്കുകയായിരുന്നു. കഥയുടെ ബാക്കി മറ്റേത് കഥയേയും പോലെ… എന്നാല് അതിന്റേതായ എല്ലാ പ്രത്യേകതളോടെയും. അവര് കണ്ടു മുട്ടുന്നു. പ്രണയത്തിലാകുന്നു. ജീവിതകാലം മുഴുവന് ഒരുമിക്കാന് തീരുമാനിക്കുന്നു’, ലൈറ്റ്സ് ഓണ് ക്രിയേഷന് അവരുടെ പേജിലൂടെ കുറിച്ചു.
ലാല് ജോസ് ദിലീപ് ചിത്രമായ മുല്ലയിലൂടെയാണ് മീരാ നന്ദന് അഭിനയ രംഗത്തേക്ക് കടന്നുവരുന്നത്. ദുബൈയില് റേഡിയോ ജോക്കിയാണ് താരം. വിവാഹ നിശ്ചയത്തിന്റെ ചിത്രങ്ങള് പങ്കിട്ടതോടെ നിരവധി പേരാണ് ആശംസകളുമായി എത്തിയത്. അടുത്ത ബന്ധുക്കളും സുഹൃത്തുക്കളും മാത്രമായിരുന്നു ചടങ്ങില് പങ്കെടുക്കാനെത്തിയത്. നടിമാരായ ആന് അഗസ്റ്റിനും ശൃന്ദയും വിവാഹ നിശ്ചയത്തിനായി എത്തിയിരുന്നു.
Discussion about this post