കൊച്ചി: പരിസ്ഥിതിക്ക് ദോഷ്ം ചെയ്യാത്ത സീറോ എമിഷൻ ഉൽപന്നത്തിന്റെ പ്രചാരണത്തിന് സിനിമാ സ്റ്റൈൽ പരസ്യവീഡിയോയുമായി ജൂനിയർ എൻടിആർ. ഇന്റീരിയർ ഇൻഫ്രാസ്ട്രക്ചർ കമ്പനിയായ ഗ്രീൻപ്ലൈ ഇൻഡസ്ട്രീസ് ലിമിറ്റഡിന്റെ സീറോ എമിഷൻ (ഇ-0) ഉൽപ്പന്ന ശ്രേണിക്ക് വേണ്ടിയുള്ള പുതിയ ബ്രാൻഡ് കാമ്പെയ്നിലാണ് ആക്ഷൻ രംഗങ്ങളുമായി ജൂനിയർ എൻടിആർ പ്രത്യക്ഷപ്പെടുന്നത്.
സാധാരണ പ്ലൈവുഡ് ഉപയോഗിക്കുന്ന വർക്ക് ഷോപ്പിൽ നടക്കുന്ന രംഗമാണ് ചിത്രീകരിച്ചിരിക്കുന്നത്. പ്ലൈവുഡ് പുറന്തള്ളുന്ന ദോഷകരമായ വസ്തു ആശാരിമാർക്ക് അസ്വസ്ഥതയുണ്ടാക്കുകയും കണ്ണിനെ ബാധിക്കുകയും ശ്വസിക്കാൻ ബുദ്ധിമുട്ടുണ്ടാക്കുകയും ചെയ്യുന്നു. ഈ സമയം ആക്ഷൻ-ഹീറോ ശൈലിയിൽ രംഗപ്രവേശം ചെയ്യുന്ന ജൂനിയർ എൻടിആർ ആത്മവിശ്വാസത്തോടെ തന്റെ കട്ടൗട്ടിലേക്ക് കുതിച്ചു, ബോൾഡ് കിക്കിലൂടെ, സാധാരണ പ്ലൈവുഡ് ടംബ്ലിംഗിൽ നിന്ന് നിർമ്മിച്ച കട്ടൗട്ട് അനായാസം തകർത്ത് ഹാനികരമായ എമിഷൻ പ്ലൈവുഡിന് മേൽ വിജയം പ്രഖ്യാപിക്കുന്നതാണ് പരസ്യരംഗം.
ആരോഗ്യകരമായ ഇന്റീരിയറുകൾ പരിപോഷിപ്പിക്കുന്നതിനും സീറോ എമിഷൻ ഉൽപന്നങ്ങളെ വിജയിപ്പിക്കുന്നതിനുമുള്ള സന്ദേശം പ്രചരിപ്പിക്കുകയാണ് ഗ്രീൻപ്ലൈ ലക്ഷ്യമിടുന്നത്. സീറോ എമിഷൻ ഉൽപ്പന്ന ശ്രേണി ഞങ്ങളുടെ പ്രതിബദ്ധതയുടെ തെളിവാണെന്ന് ഗ്രീൻപ്ലൈ ഇൻഡസ്ട്രീസ് ജോയിന്റ് മാനേജിംഗ് ഡയറക്ടറും സിഇഒയുമായ മനോജ് തുൾസിയൻ പറഞ്ഞു. ജൂനിയർ എൻടിആർ ബ്രാൻഡ് അംബാസഡറായതിൽ സന്തോഷമുണ്ടെന്നും മനോജ് തുൾസിയൻ പ്രതികരിച്ചു.
വീടിന്റെ ഇന്റീരിയറിൽ പരിസ്ഥിതി സൗഹൃദ ഉൽപ്പന്നങ്ങളുടെ നിർണായക പങ്കിനെക്കുറിച്ച് കൂടുതൽ അവബോധം സൃഷ്ടിക്കാനും പുതിയ ക്യാമ്പയ്ൻ സഹായിക്കുമെന്ന് കമ്പനി പ്രതീക്ഷ പ്രകടിപ്പിച്ചു.
