ഹാങ്ചൗ: ഏഷ്യൻ ഗെയിംസ് അത്‌ലറ്റിക്‌സിൽ വീണ്ടും അഭിമാനമായി മലയാളി താരം. വനിതകളുടെ ലോങ് ജംപിൽ മലയാളി താരം ആൻസി സോജൻ വെള്ളിമെഡൽ നേടി. അഞ്ചാം ശ്രമത്തിൽ 6.63 പിന്നിട്ടാണ് ആൻസി വെള്ളി നേടിയത്. 6.73 മീറ്റർ ചാടിയ ചൈനയുടെ സിയോങ് ഷിഖിക്കാണ് സ്വർണം.
ആദ്യ ശ്രമത്തിൽ 6.13 ,രണ്ടാം ശ്രമത്തിൽ 6.49, മൂന്നാം ശ്രമത്തിൽ 6.56, നാലാം ശ്രമത്തിൽ 6.30 മീറ്റർ എന്നിങ്ങനെയായിരുന്നു ആൻസിയുടെ പ്രകടനം. അഞ്ചാം ശ്രമത്തിലെ 6.63 മീറ്റർ താരത്തിന്റെ മികച്ച വ്യക്തിഗത പ്രകടനം കൂടിയായി.
ഇതോടെ ഇന്ത്യയുടെ മെഡൽ നേട്ടം ഇതോടെ 59 ൽ എത്തി. 13 സ്വർണം, 23 വീതം വെള്ളിയും വെങ്കലവുമാണ് ഇന്ത്യ ഇത് വരെ നേടിയത്.
Discussion about this post