എറണാകുളം: കുത്തനെ ഉയർന്നതിന് പിന്നാലെ അൽപ്പം താഴ്ന്ന് സ്വർണ വില. ഗ്രാമിന് 30 രൂപയുടെ കുറവാണ് ഇന്നുണ്ടായത്. ഇതോടെ സംസ്ഥാനത്ത് ഒരു ഗ്രാം സ്വർണത്തിന് വില 5510 രൂപയായി.
പവന് 240 രൂപയുടെ വർദ്ധനവാണ് ഉണ്ടായിരിക്കുന്നത്. നിലവിൽ 44,080 രൂപ എന്ന നിരക്കിലാണ് ഒരു പവൻ സ്വർണത്തിന്റെ വ്യാപാരം. ഞായറാഴ്ച ആയതിനാൽ ഇന്നലെ സ്വർണ വിലയിൽ മാറ്റം ഉണ്ടായിരുന്നില്ല. ഇതിന് പിന്നാലെയാണ് വിലയിൽ ഇടിവ് രേഖപ്പെടുത്തുന്നത്. നീണ്ട 11 ദിവസങ്ങൾക്ക് ശേഷമാണ് സ്വർണവില താഴുന്നത്.
ശനിയാഴ്ച സ്വർണവിലയിൽ ഞെട്ടിക്കുന്ന കുതിപ്പായിരുന്നു ഉണ്ടായത്. 1120 രൂപയായിരുന്നു ഒരു പവൻ സ്വർണത്തിന് വർദ്ധിച്ചത്. ഇതേ തുടർന്നാണ് പവന് വില വീണ്ടും 44,000 കടന്നത്.
ഇസ്രായേൽ- ഹമാസ് സംഘർഷമാണ് സ്വർണവില വർദ്ധിക്കാൻ കാരണം. സംഘർഷം ആഗോളവിപണിയിൽ വില വർദ്ധനവിന് കാരണം ആയിട്ടുണ്ട്. സുരക്ഷിത നിക്ഷേപം എന്ന നിലയിൽ സ്വർണത്തിന് ആവശ്യം വർദ്ധിച്ചതാണ് വിപണിയിൽ പ്രതിഫലിക്കുന്നത്.
