ന്യൂഡൽഹി: ഇന്ത്യയുടെ വിഭജനം ഒരിക്കലും സംഭവിക്കാൻ പാടില്ലാത്തതാണെന്നും അത് ചരിത്രപരമായ തെറ്റാണെന്നും ഐഎംഐഎം നേതാവ് അസദുദ്ദീൻ ഒവൈസി. ചരിത്രപരമായി ഇതൊരു രാജ്യമാണെന്നും നിർഭാഗ്യവശാൽ വിഭജിക്കപ്പെട്ടിരിക്കുകയാണെന്നും ഇത് സംഭവിക്കാൻ പാടില്ലാത്തതാണെന്നുമായിരുന്നു ഹൈദരാബാദ് എംപി കൂടി ആയിരുന്ന ഒവൈസിയുടെ പരാമർശം.
‘ചരിത്രപരമായി, ഇത് ഒരു രാജ്യമായിരുന്നു, നിർഭാഗ്യവശാൽ ഇത് വിഭജിക്കപ്പെട്ടു. ഇത് സംഭവിക്കാൻ പാടില്ലായിരുന്നു. ഇതാണ് എനിക്ക് പറയാൻ കഴിയുന്നത്. എന്നാൽ നിങ്ങൾക്ക് വേണമെങ്കിൽ, ഒരു സംവാദം സംഘടിപ്പിക്കൂ. ഈ രാജ്യത്തെ വിഭജിക്കാൻ ഉത്തരവാദികൾ ആരാണെന്ന് ഞാൻ നിങ്ങളോട് പറയും … എനിക്ക് കഴിയും. അക്കാലത്ത് സംഭവിച്ച ഒരു ചരിത്രപരമായ തെറ്റിന് ഒറ്റവരി ഉത്തരം നൽകരുതെന്ന് ഒവൈസി പറഞ്ഞു.
ഇന്ത്യയും പാകിസ്താനും സൃഷ്ടിക്കപ്പെട്ടത് ഹിന്ദു മഹാസഭയുടെ ആവശ്യപ്രകാരമാണെന്നും മുഹമ്മദലി ജിന്ന കൊണ്ടല്ലെന്നുമുള്ള സമാജ്വാദി പാർട്ടി നേതാവ് സ്വാമി പ്രസാദ് മൗര്യയുടെ റിപ്പോർട്ടിനെക്കുറിച്ചുള്ള ചോദ്യത്തോട് പ്രതികരിക്കുകയായിരുന്നു എഐഎംഐഎം നേതാവ്.
സ്വാതന്ത്ര്യ സമര സേനാനിയും ഇന്ത്യയുടെ ആദ്യ വിദ്യാഭ്യാസ മന്ത്രിയുമായ മൗലാന അബ്ദുൾ കലാം ആസാദിന്റെ ‘ഇന്ത്യ വിൻസ് ഫ്രീഡം’ എന്ന പുസ്തകം വായിക്കണമെന്നും വിഭജന നിർദ്ദേശം അംഗീകരിക്കരുതെന്ന് കോൺഗ്രസ് നേതാക്കളോട് അഭ്യർത്ഥിച്ചത് എങ്ങനെയെന്ന് വ്യക്തമാവുകയും ചെയ്തുവെന്ന് ഒവൈസി പറഞ്ഞു.
