കാഠ്മണ്ഡു: ദുരന്തങ്ങളിൽ നിന്നും കരകയറും മുൻപ് നേപ്പാളിൽ വീണ്ടും ഭൂചലനം. റിക്ടർ സ്കെയിലിൽ 5.6 തീവ്രത രേഖപ്പെടുത്തിയ ഭൂചലനത്തിന്റെ പ്രകമ്പനം ഡൽഹിയടക്കം ഉത്തരേന്ത്യയിലെ പല ഭാഗത്തും അനുഭവപ്പെട്ടതായാണ് വിവരം. കഴിഞ്ഞ നാല് ദിവസത്തിനിടെ നേപ്പാളിൽ ഉണ്ടാകുന്ന മൂന്നാമത്തെ ഭൂചലനമാണിത്. ഇന്ന് വൈകിട്ട് 4.16 നായിരുന്നു സംഭവം. കാഠ്മണ്ടുവിൽ നിന്ന് 550 കിലോമീറ്റർ അകലെയുള്ള ജജർകോട് ജില്ലയിലെ രമിദണ്ട എന്ന സ്ഥലമാണ് ഭൂകമ്പത്തിന്റെ പ്രഭവകേന്ദ്രം.
കഴിഞ്ഞ വെള്ളിയാഴ്ച നേപ്പാളിലുണ്ടായ ഭൂചലനത്തിൽ 157 പേരാണ് കൊല്ലപ്പെട്ടത്. 6.4 തീവ്രത രേഖപ്പെടുത്തിയിരുന്നു. ജർകോട്ട്, റുക്കും വെസ്റ്റ് ജില്ലകളിൽ 8,000-ത്തോളം വീടുകളാണ് അന്ന് നശിച്ചത്.
Discussion about this post